5-11 ёшли болалар учун BioNTech-Pfizer вакцинаси яқин ҳафталарда тайёр бўлиши мумкин

BERLIN. TASS – Kazinform - Германиянинг BioNTech компанияси ва унинг америкалик ҳамкори Pfizer томонидан ишлаб чиқилган беш 5-11 ёшли болалар учун коронавирусга қарши вакцина яқин бир неча ҳафта ичида фойдаланишга тайёр бўлиши мумкин. Бу ҳақда BioNTech тиббий тадқиқотлар бўйича директори Озлем Тюречи жума куни Der Spiegel нашрига маълум қилди, деб хабар беради Kazinform TASS га асосланиб,

«Келгуси ҳафталарда биз беш ёшдан ўн бир ёшгача бўлган болалар ўртасида ўтказилган тадқиқот натижаларини бутун дунё расмийларига тақдим этамиз ва шу ёш гуруҳига, шу жумладан Европада вакцинани тасдиқлаш учун ариза берамиз», - деди Тюречи. «Биз аллақачон ишлаб чиқаришга тайёргарлик кўрмоқдамиз», - дея қўшимча қилди у. Шу билан бирга, Тюречи очиқладики, бу препарат катталар ники каби, лекин дозаси пастроқ.

Ўз навбатида, бош директор, BioNTech муассисларидан бири Угур Шаҳин тадқиқот натижалари аллақачон мавжудлигини ва улар расмийлар томонидан тасдиқланиши учун қайта ишланиши кераклигини таъкидлади. «Ҳаммаси яхши кўринади, ҳамма нарса режа бўйича кетмоқда», деди Шаҳин. Шу билан бирга, олти ойлик ва ундан катта ёшдаги болалар ўртасида ўтказилган тадқиқот натижалари ҳам йил охиригача кутилаётгани кўрсатилган.

Май ойининг охирида Европанинг Дори-дармонлар агентлиги 12-15 ёшли ўсмирлар учун Pfizer ва BioNTech биргаликда ишлаб чиқилган Comirnaty коронавирус вакцинасидан фойдаланишни маъқуллади. Шундай қилиб, препарат ушбу ёш тоифасидаги одамлар орасида фойдаланиш учун тасдиқланган биринчи коронавирус вакцинаси бўлди.