35 даража совуқ: Яқин уч кун ичида Қозоғистонда об-ҳаво қандай бўлади

NUR-SULTAN. Кazinform - Синоптиклар Қозоғистонда 9—11-декабр кунлари об-ҳаво бўлишини прогноз қилмоқда, дея хабар беради Кazinform «Қазидромет» РДК матбуот хизматига таяниб.

9 декабр куни мамлакатнинг аксарият ҳудудларида ёғингарчилик бўлмайди. Минтақа йирик антициклон таъсирида.

Шундай қилиб, кечаси Қозоғистоннинг шимоли, шарқи ва марказида ҳаво ҳарорати 20-25 даражагача, баъзи жойларда 30 даража совуқгача, 10 декабр куни Шарқий Қозоғистон вилоятининг шимоли-шарқида 35 даражагача пасаяди.

Мамлакатнинг ғарбий ҳудудлари Қора денгиз минтақасидан келадиган циклон таъсирида бўлади.

Кейинги икки кун давомида у мамлакатнинг қолган қисмига - шарққа кўчиб ўтади ва ўзи билан ёғингарчилик (ёмғир, қор) ва музни олиб келади. Шамолнинг тезлиги 15-25 м/с гача кучаяди.

11 декабрга ўтар кечаси ҳаво ҳарорати шимолий ҳудудларда 5-10 даражагача, айрим жойларда 15-20 даражагача, Шарқий Қозоғистон вилоятининг шимоли-шарқида 25 даражагача пасаяди.