16:15, 22 Март 2023 | GMT +6
23-25 март кунлари Қозоғистонда об-ҳаво қандай бўлади
ASTANA. Kazinform – «Қазгидромет» РДК Қозоғистонда 23-25 март кунларига мўлжалланган об-ҳаво маълумотларини тарқатди. Бу ҳақда Kazinform хабар беради.
Синоптикларнинг маълумотларига кўра, Қозоғистон ҳудудининг кўп қисми антициклон таъсирида бўлади, қуёшли ва ўртача илиқ об-ҳаво сақланиб туради. Фақат шимол ва шимоли-ғарбда, 23 март куни жануби-шарқнинг тоғли ҳудудларида беқарор об-ҳаво кузатилади, ёғингарчилик (ёмғир, қор) бўлади.
Республика бўйлаб туман тушиши, жануби-ғарбда чанг бўрони, шимол ва шимоли-ғарбда шамол кучайиши кутилмоқда.