2026 йилга бориб шакар ишлаб чиқариш ҳажмини 180 минг тоннага етказиш керак – ҚР Бош вазири

TALDYQORǴAN. Kazinform – 2026 йилга келиб шакар ишлаб чиқариш ҳажмини 180 минг тоннага етказиш керак. Жетису вилоятига амалий ташрифи чоғида Кўксу шакар заводига ташриф буюрган бош вазир Алихан Смаилов шундай вазифани қўйди, дея хабар беради Kazinform Ҳукумат расмий сайтига таяниб.

Алихан Смаилов давлат томонидан оқ шакар ишлаб чиқарувчиларни, жумладан, «айланма схемаси» доирасида қўллаб-қувватлаш чоралари кўрилаётганини таъкидлади. Қанд лавлаги етиштириш майдонларини босқичма-босқич 15 минг гектарга етказишни назарда тутувчи қанд саноатини ривожлантиришнинг комплекс режаси қабул қилинди. Хусусан, 2026 йилга келиб, Жетису вилоятида жами ҳосил тахминан 525 минг тоннага этади.

«Шу муносабат билан янги далаларни ўзлаштириш, суғориладиган ерларни тиклаш чораларини кўриш муҳим аҳамиятга эга. Сув таъминоти бўлимида сув хўжалиги объектларини реконструкция қилиш бўйича чора-тадбирлар кўрсатилган. Шакар заводларини модернизация қилиш, 2026 йилгача оқ шакар ишлаб чиқариш ҳажмини 180 минг тоннага етказиш зарур», - деди у.

Ҳукумат раҳбари шу ерда вилоят қишлоқ хўжалиги тузилмалари раҳбарлари билан йиғилиш ўтказиб, субсидиялар, ерларнинг мавжудлиги ва бошқа қўллаб-қувватлаш чора-тадбирлари юзасидан фикр алмашди.

Алихан Смаилов Қишлоқ хўжалиги вазирлигига муаммоларни таҳлил қилиб, уларни ҳал этиш бўйича аниқ таклифлар киритишни топшириб, ўтган йили давлат томонидан соҳани молиялаштириш икки баробарга оширилгани, жорий йилда ҳам бу ҳажм сақланиб қолганини айтди.

Айтайлик, бир неча йил аввал корхонага сифатли хориж ускуналари ўрнатилди, иссиқлик таъминоти газга ўтказилди, янги жиҳозлар харид қилинди. Ўтган йил якунларига кўра, заводда қарийб 70 минг тонна шакар ишлаб чиқарилган бўлса, 2023 йил учун режа 92 минг тоннани ташкил этади.