2024 йили аёллар ўртасида бокс бўйича жаҳон чемпионати Астана шаҳрида бўлиб ўтади
Халқаро бокс федерацияси (IBA) директорлар кенгаши Тошкентда бўлиб ўтган расмий йиғилишида шундай қарор қабул қилди.
Қозоғистон бокс федерацияси халқаро алоқалар бўйича вице-президенти Азиз Қожамбетов ариза билан чиқди.
Мусобақа Астана шаҳридаги «Барис Арена»да бўлиб ўтади.
«Қозоғистондек кучли бокс мамлакати IBAнинг энг йирик турнирларидан бирига мезбонлик қилишидан хурсандман. Илгари бундай мусобақа 2016 йилда Астана шаҳрида ўтказилган бўлса, энди у қайтиш арафасида. Мен ажойиб чемпионат бўлишини интиқлик билан кутаман ва келаси йили Астанада учрашадиган боксчиларни табриклайман», - деди IBA президенти Умар Кремлев.
Эслатиб ўтамиз, аввалроқ Қозоғистон бокс терма жамоаси медаллар жадвалида иккинчи ўринда бораётгани ҳақида ёзган эдик.
Муаллиф: Ғайсағали Сейтақ