2024 йилдан тадбиркорликни тартибга солишнинг янги усуллари ишлай бошлайди – ҚР Президенти

ASTANА. Кazinform – Жорий йилда бизнесни асоссиз таъқиблардан ҳимоя қилиш чоралари туфайли 60 минг тадбиркорга нисбатан қўйилган 700 миллион тенге миқдоридаги жарималар бекор қилинди. Бу ҳақда Президент Қасим-Жомарт Тоқаев «Алтын сыпат» ва «Парыз» мукофотлари ғолибларини тақдирлаш маросимидаги нутқида маълум қилди, деб хабар беради Kazinform мухбири.

«Бизнесни тартибга солишнинг янги усуллари 2024 йилдан бошлаб ишлай бошлаши керак.

Иккинчиси - бизнесни текшириш ва жиноий таъқиб қилиш. Тадбиркорликни асоссиз назорат қилиш ва жиноий жавобгарликка тортишнинг иложи йўқ, деб айтган эдим. Бу менинг қатъий позициям. Бу йўналишда тадбиркорларни асоссиз текширишлардан ҳимоя қилиш, жиноий таъқиблар орбитасига асоссиз аралашишнинг олдини олиш бўйича комплекс чора-тадбирларни қабул қилдик», -деди Давлат раҳбари.

Тадбиркорларга ноҳақ зулм қилган 1000 дан ортиқ мансабдор шахслар жазоланди.

«Жорий йилда 60 мингдан ортиқ тадбиркор умумий қиймати 700 миллион тенге миқдоридаги ноқонуний жарималардан озод этилди. 1200 та тақиқ ва чекловлар бекор қилинди.

«Муҳими, мингдан ортиқ мансабдор шахслар тадбиркорларга нисбатан ноқонуний хатти-ҳаракатлари учун жазоланди», — деди Президент.

Эслатиб ўтамиз, ушбу маросим доирасида энг яхши деб топилганларга «Қозоғистоннинг энг яхши маҳсулоти», «Qazaqstan Project Management Awards -2022», «2021 МДҲ Сифат мукофоти» каби бизнесга йўналтирилган мукофотлар топширилди.

Шунингдек, «АруАна», «Бизнес кемелділік», «Іскер», «Ұлы дала елі» мукофотлари ғолиблари тақдирланди.

Бу йил «Алтын сапа» мукофотига 281 нафар номзод ҳужжат топширган. Улар орасидан мутахассислар томонидан 4 та тоифа бўйича йирик, ўрта ва кичик бизнес учун 14 та тадбиркорлик объекти танлаб олинди.

Муаллиф: Есимжан Нақтибай