2023 йилда Қозоғистонда инфляция даражаси пасаяди

ASTANA. Кazinform – Евроосиё тараққиёт банки Қозоғистонда 2023 йилда инфляция суръати секинлашишини маълум қилди. Бу ҳақда банкнинг 2023 йилга мўлжалланган макроиқтисодий прогнози тақдимоти чоғида маълум қилинди, деб хабар беради Kazinform мухбири.

«Бизнинг ҳисоб-китобларга кўра, инфляция 2023 йил бошидаги тахминан 19 фоиздан 2023 йил декабрида 8 фоизгача пасаяди. Инфляция мўътадил бўлиши мумкин, аммо биз инфляция хавфи ҳали ҳам юқори эканлигига ишонамиз. Бунга асосан ташқи сектор ҳисса қўшади. Шу муносабат билан, Қозоғистон Миллий банки базавий ставкани 2023 йилнинг биринчи ярмида тахминан 16 фоиз даражасида сақлаб қолади, деб ўйлаймиз. Бундан ташқари, инфляция барқарор равишда пасайиб бораётган ва ташқи инфляция босими заифлашган тақдирда 2023 йилнинг иккинчи ярмида кўрсаткич пасайишни бошлаши мумкин», — деди Таҳлил ишлари дирекцияси мамлакатлар бўйича таҳлил маркази катта таҳлилчиси Айгул Бердиғулова.

Муаллиф: Руслан Ғаббасов