2023 йил 21 январгача Қозоғистондан қорамол, қўй ва эчки олиб чиқиш тақиқланди

ASTANA. Кazinform – 2023 йил 21 январга қадар мамлакатдан тирик қорамол, қўй ва эчкиларни олиб чиқиш тақиқланади. Бу ҳақда Қозоғистон Республикаси Бош вазири ўринбосари – Савдо ва интеграция вазири Серик Жуманғариннинг Мажилис депутатлари саволига берган жавобида маълум қилинди, деб хабар беради Kazinform мухбири.

«2022-2024 йилларга мўлжалланган озиқ-овқат хавфсизлигини таъминлаш бўйича 31 та чора-тадбирларни ўз ичига олган озиқ-овқат хавфсизлигини таъминлаш режаси қабул қилинди. Ушбу режа озиқ-овқат маҳсулотларининг реал ва иқтисодий мавжудлигини, озиқ-овқат маҳсулотларининг сифати ва хавфсизлигини таъминлашга қаратилган. Режа доирасида 230 та инвестиция лойиҳасини (2022 йилда 80 та, 2023 йилда 85 та, 2024 йилда 65 та) амалга ошириш таклиф этилди. Улар 2024 йилга бориб мамлакат аҳолисини 100 фоиз импортга қарам бўлган асосий товарлар (олма, балиқ, колбаса маҳсулотлари, пишлоқ ва творог, парранда гўшти) билан таъминлаш имконини беради», — деди у ўз жавобида.

Бундан ташқари, Серик Жуманғариннинг сўзларига кўра, 2023 йил 21 январгача тирик қорамол, қўй ва эчки етиштириш тақиқланган. 2022 йил охиригача шакарқамиш хомашёсини божсиз олиб кириш учун квота қўлланилади. Шунингдек, ҳокимликлар тегишли давлат органлари билан ҳамкорликда ижтимоий аҳамиятга эга озиқ-овқат маҳсулотларининг 15 фоизлик товар устамасига риоя этилишини назорат қилади.

Муаллиф: Марлан Жиембай