2022 йилда Қозоғистонда 68 та аҳоли пункти номи ўзгартирилди

ASTANА. Kazinform - Маданият ва спорт ишлари вазирлиги ҳузуридаги Республика ономастика комиссияси 2022 йилда аҳоли пунктлари номини ўзгартириш бўйича 606 та таклифни кўриб чиқди, дея хабар беради Kazinform вазирликнинг Теlegram-каналига таяниб.

2022 йилда 68 та аҳоли пунктлари номи ва уларнинг таркибий қисмларининг 572 та номи ўзгартирилди. Масалан, Ақмола вилоятидаги Южная кўчаси - Сабит Муқанов, Будённий кўчаси - Бауржан Момишули, Ленин кўчаси - Аблайхон номига ўзгартирилди.

Ўтган йили Республика Ономастика комиссияси томонидан жами 606 та таклиф кўриб чиқилди.

«Давлат раҳбарининг Мурожаатномасида қайд этилган Қозоғистон Республикасининг маъмурий-ҳудудий тузилишини такомиллаштириш тўғрисидаги топшириқни бажариш мақсадида учта янги вилоятга Абай, Жетису ва Улитау номлари берилди. Қапшағай шаҳри эса Қонаев деб ўзгартирилди. Ҳудудларнинг номлари фақат давлат тилида тасдиқлангани ҳам эътиборга молик. Шунингдек, Ахмет ​​Байтурсинов таваллудининг 150 йиллиги муносабати билан Қостанай халқаро аэропортига халқ устози номи берилди», — деди Маданият ва спорт ишлари вазирлиги ономастика бўлими бошлиғи Елерке Тўрехан.