20 майдан бошлаб референдумда қатнашиш ҳуқуқига эга бўлган фуқаролар рўйхатини кўриш мумкин

NUR-SULTAN. Кazinform - Қозоғистонда республика референдумида 11 миллиондан ортиқ киши иштирок этиши мумкин. Бу ҳақда референдум ўтказиш бўйича Марказий комиссия раиси ўринбосари Константин Петров маълум қилди, дея хабар беради Kazinform мухбири.

«1 апрел ҳолатига кўра, сайловчилар рўйхатига 11 миллион 695 минг 439 нафар фуқаро киритилган. Республика референдумида иштирок этиш ҳуқуқига эга бўлган фуқаролар рўйхатини тузиш учун аллақачон асослар мавжуд. Унга апрел-май ойларидаги миграция динамикасини ҳисобга олган ҳолда ва уларнинг аризаларини инобатга олган ҳолда ўзгартиришлар киритиш керак», — деди Константин Петров Марказий сайлов комиссияси йиғилишида.

Республика референдумида иштирок этиш ҳуқуқига эга бўлган фуқароларнинг рўйхати ҳокимликлар томонидан тузилади.

«Референдум ўтказиладиган ҳар бир сайлов участкаси бўйича республика референдумида иштирок этиш ҳуқуқига эга бўлган фуқаролар рўйхати тегишли ҳоким томонидан овоз бериш бошланишига йигирма кун қолганда, 15 май куни далолатнома бўйича референдум ўтказувчи сайлов комиссиясига тақдим этилади. Овоз беришга 15 кун қолганида, яъни 20 майдан бошлаб тегишли сайлов комиссиялари рўйхатни сайловчиларга тақдим этади», — деди К. Петров.

Эслатиб ўтамиз, Марказий сайлов комиссияси 5 июн куни референдум ўтказувчи республика комиссияларининг фаолияти тўғрисида қарор қабул қилган эди. Сайловолди ташвиқоти референдум ўтказилган пайтдан бошланиб, овоз бериш тугашига бир кун қолганда, яъни 2022 йил 4 июн куни соат 00-00 да тугайди.

Республика референдумида 51 давлатдан қозоғистонликлар иштирок этиши мумкин.

Муаллиф: Айжан Серикжанқизи