14 январдан Windows 7 системаси ўрнатилган компьютерлар вирусга тўлади

NUR-SULTAN. Kazinform – Windows 7 операцион системасининг яратилганига 10 йил тўлди. Шу муносабат билан 2020 йил 14 январдан бошлаб система муомаладан олиб ташланади, деб хабар беради Kazinform Microsoft компанияси сайтига ҳавола қилиб.

Компаниянинг маълум қилишича, Windows 7 ўрнатилган компьютерлар ишлашда давом этаверади. Аммо уларга техник қўллаб-қувватлаш кўрсатилмайди. Шунингдек, системага дастурий таъминот кўрсатилмайди ва хавфсизлик тизимлари янгиланмайди. Бундан чиқди, Windows 7 ўрнатилган компьютерлар вирусга тўлиши аниқ.

Компания мижозларга Windows 10 тизимига ўтишни маслаҳат бермоқда.

«Ҳимояланишнинг энг яхши йўли Windows 10 системасини ўрнатишдир. Янги гаджетларга ўрнатилса, ушбу тизим ҳам катта имкониятлар эшигини очади», - дейди компания вакиллари.