120 минг қозоғистонликлар машинасозлик соҳасида ишлайди
Бу ҳақда Қозоғистон Индустрия ва инфратузилмаларни ривожлантириш вазири ўринбосари Марат Қарабаев Қозоғистон машинасозларининг IХ форумида маълум қилди.
«Саноатлаштириш дастури амалга оширилган йиллар мобайнида саноат тўрт баробар ўсди ва энг юқори кўрсаткичларни кўрсатди. Ишлаб чиқариш саноатининг улуши 9 фоиздан 14 фоизгача ошди.
Саноатда 3 мингдан зиёд корхона, жумладан, 64 та йирик, 102 та ўрта ва 3020 та кичик корхона мавжуд. Бу корхоналарда 120 мингга яқин киши ишлайди «, - деди у.
У, айниқса, автомобилсозлик соҳасида катта ютуқ бўлганини эслатди.
«Aвтомобилсозлик - 40 баравар, қишлоқ хўжалиги техникаси - 12 баравар, темир йўл машинасозлиги - 8 баравар жадал ривожланмоқда. Ҳудудларнинг саноатлаштириш харитаси ва тадбиркорликни қўллаб -қувватлаш хариталари доирасида қарийб 470 миллиард тенгега тенг 150 дан ортиқ лойиҳалар ишга туширилди. 16 мингга яқин иш ўрни яратилди «, - деди Марат Қарабаев.
Муаллиф: Есимжан Нақтибай