1,35 млрд долларлик Mega Millions жек-пот ғолиби аниқланди

WASHINGTON. Кazinform – 1,35 млрд долларлик Mega Millions жекпотининг ғолиби эълон қилинди. Бу ҳақда чоршанба куни Mega Millions лотереяси вакиллари маълум қилди, деб хабар беради Кazinform USA Today нашрига таяниб.

АҚШ лотереяси тарихидаги тўртинчи йирик жекпот ғолиби ўтган ойнинг 13 санасида, жума куни Мэн штатида чипта сотиб олган.

1,35 миллиард долларлик Mega Millions ғолиби ҳақида нима биламиз?

У ютуғини олиб кетганидан ташқари, ҳеч нарса.

Mega Millionsнинг таъкидлашича, баъзи штатлар лотерея ғолибларининг номларини эълон қилишни талаб қилади, бошқалари эса йўқ. Мисол учун, Калифорния рекордини янгилаган 2,04 млрд долларлик Powerball ғолиби фақат ўзининг исмини кўрсатган.

Маълум қилинишича, Mega Millions жекпоти ғолиби ўз ютуғини тўлиқ анонимлик сақлаган ҳолда LaKoma Island Investments, LLC масъулияти чекланган жамияти орқали олган.

Мэн штатининг алкоголли ичимликлар ва лотереялар бюроси директори ўринбосари Майкл Бордманнинг айтишича, ютуқ чиптаси жума куни лотерея штаб-квартирасида тасдиқланган.

1,35 миллиард долларлик Mega Millions ғолиби қанча пул олади?

Mega Millionsнинг айтишича, ғолиб 29 йил давомида йиллик тўловлар ўрнига бир марталик тўловни танлаган.

Бир марталик тўловни танлаб, ғолиб 723,6 миллион доллар олади. Солиқлар тўланганидан кейин мукофот 498 миллион доллардан кўпроқни ташкил қилади, солиқнинг 173,6 миллион доллари федерал ҳукуматга, 51 миллион доллари эса штатга тушади.

Hometown Gas & Grill ҳам ютуқли чиптани сотгани учун 50 000 доллар мукофот олди.

1996 йилда Mega Millions ишга туширилгандан бери ютган энг йирик жекпотлардан бири 1,537 миллиард долларни ташкил этди. Ютуқли чипта 2018-йил 23-октабрда Жанубий Каролинада харид қилинган.

Фото: AP Photo