+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Зорлық көрген жолаушы «ҚТЖ» компаниясынан қауіпсіздікті қамтамасыз етуді сұрады

2019 жылғы 12 тамыз 16:07
Бөлісіңіз:
Зорлық көрген жолаушы «ҚТЖ» компаниясынан қауіпсіздікті қамтамасыз етуді сұрады

НҰР-СҰЛТАН. ҚазАқпарат – Зорлау қылмысына қатысты заңнаманы қатайту мәселесі бойынша өтіп жатқан дөңгелек үстелге «Тальго» пойызында зорлық көрген жәбірленуші де қатысты, деп хабарлайды ҚазАқпарат тілшісі.

Ұқсас жаңалықтар
Атыраудың Ресеймен шекаралас аумағындағы қамыстың өртенуі расталмады Қостанайлық полицейлер халыққа қызмет көрсетудің сервистік моделіне көшпек Павлодар облысының оқу орындарына 11 мыңнан астам бақылау камералары орнатылды

«Тальго» пойызында зорлық көрген жәбірленуші басынан өткен оқиғаны дөңгелек үстелге қатысушыларға толық баяндай келіп, әуелде кінәлі тарап істі ақша төлеу арқылы жауып тастамақ болғанын айтты.

«Істің басқалай бағыт алып бара жатқанын көргенде маған зорлық көрсеткен тарап ақша ұсынды. Мен ақшаға мұқтаж адам емес екенімді, ар-намысым үшін күресіп жүргенімді айттым. Олар ұсынған ақшаны мен екі айда таба аламын. Екі айда табатын ақшаны біз саған бір жолда бергелі отырмыз деп көндірмек болды», - дейді жәбірленуші.

Ол сондай-ақ бұл істі ешқандай ың-шыңсыз, заң аясыда шешпек болғанын айтады. Алайда өз құқығы мен намысы қорғалып жатпағанын көргенде ғана қоғамдық ұйымдарға жүгінген.

«Мен ең бірінші егде жастағы ата-анамды ойладым. Соларға ауыр тиетінін білдім. Сол үшін ешқандай резонанс туғызбай-ақ, заң аясында шешкім келді. Бірақ олай мүмкін болмады», - деген зардап шегуші «Қазақстан темір жолы» компаниясының өкілдерінен жолаушылардың қауіпсіздігін қамтамасыз етуді сұрады.

«Қазақстан темір жолы» компаниясынан жолаушылардың қауіпсіздігін толық көлемде қамтамасыз етуді сұраймын. Вагондарға белгі беретін тетік орната ма, әлде бейнебақылау қоя ма, әйтеуір қауіпсіздікті қамтамасыз ету қажет. Егер сол кезде осындай тетіктер болса, мен осылайша азап шекпес едім», - деді ол.

Еске салсақ, ғылыми конференциядан қайтып келе жатқан бойжеткенді «Тальго» пойызында зорлады деген күдік бойынша екі жолсерікке қатысты қылмыстық іс сотқа түскен. Кейін бұл оқиға бойынша «Жолаушылар тасымалы» АҚ түсінік берді. 26 шілде күні Қостанайда «Тұлпар-Тальго» пойызында ақтөбелік бойжеткенді зорлаған екі жолсерікке үкім оқылды.

Біздің каналымызға жазылыңыз:

Басты сөздер: ҚТЖ, Нұр-Сұлтан, Қауіпсіздік,
Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT