+7 (701) 759 90 19
USD 417.9 EUR 503.07
RUB 5.64 CNY 64.7
Jańalyqtar

Зияткерлік меншік объектілерінің кеден тізіліміне енгізу ережесі жеңілдеді

2021 жылғы 25 қаңтар 09:57
Бөлісіңіз:
Зияткерлік меншік объектілерінің кеден тізіліміне енгізу ережесі жеңілдеді

НҰР-СҰЛТАН. ҚазАқпарат - Зияткерлік меншік объектілерінің кеден тізіліміне енгізу ережелері жеңілдеді, деп хабарлайды ҚазАқпарат Мемлекеттік кірістер комитетінің баспасөз қызментіне сілтеме жасап.

«Қазақстан Республикасының кейбір заңнамалық актілеріне кедендік реттеу және кәсіпкерлік қызмет мәселелері бойынша өзгерістер мен толықтырулар енгізу туралы» Қазақстан Республикасының 2021 жылғы 5 қаңтардағы № 407-VI ҚРЗ Заңымен (бұдан әрі – Заң) «Қазақстан Республикасындағы кедендік реттеу туралы» кодексінен 461-баптың 3-тармағының 3) тармақшасы алынып тасталды.

Бұрын құқық иеленушілер зияткерлік меншігін ЕАЭО кеден шекарасы арқылы өткізу фактісін растауы керек болатын. Бұл үрдіс зияткерлік меншік объектілерінің кедендік тізіліміне (бұдан әрі - ЗМОКТ) енгізу туралы өтініш беру кезінде қарастырылған еді», делінген хабарламада.

Комитеттің мәлімдеуінше, бұл норма құқық иелері үшін зияткерлік меншік объектілерін тізілімге қосу кезінде кедергі болатын.

«Аталған норма Зияткерлік меншік объектілерінің кедендік тізіліміне қана құқық бұзушылықтары анықталған зияткерлік меншік объектілерін ғана қосуға мүмкіндік берді. Ал зияткерлік меншік объектісінің иесі, зияткерлік меншік объектісін тізілімге қосу ниетімен Қазақстан нарығына алғаш рет келгенде, өзінің зияткерлік меншік объектілеріне құқығын қорғауға мүмкіндігі болмады.

Қазір кедендік тізілімге қосуға өтініш берген кезде құқық иеленушілердің Еуразиялық экономикалық одақтың кеден шекарасы арқылы тауарларды өткізу фактісін растайтын құжатты ұсынуы алынып тасталды», делінген хабарламада.

Заң 17 қаңтардан бастап күшіне енді.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT