+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Жыршы-термешілер сыбайлас жемқорлықпен күрес тақырыбында сайысқа түседі

2020 жылғы 27 тамыз 16:25
Бөлісіңіз:
Жыршы-термешілер сыбайлас жемқорлықпен күрес тақырыбында сайысқа түседі

НҰР-СҰЛТАН. ҚазАқпарат - Сыбайлас жемқорлыққа қарсы іс-қимыл агенттігі және оның жанынан құрылған Ақпараттық-ағарту штабы жыршы-термешілердің «ANTIKOR Терме» онлайн республикалық байқауын жариялады. Бұл жөнінде ведомствоның баспасөз қызметіне сілтеме жасап ҚазАқпарат хабарлайды.

Ұқсас жаңалықтар
«Жыр мұра» жобасы ұрпақты ұлттық өнерге баулиды Ақтөбеде Төлеген Айбергенов пен Шәмші Қалдаяқовқа ескерткіш орнатылды Тәуелсіздіктің 30 жылы: Ақмола облысының мәдениет саласы қалай дамып келеді

Онлайн жобаның басты мақсаты – қазақтың тамыры терең тарихымен бірге жасасып келе жатқан жыраулық дәстүрді, терме мен толғауларды, бес жүзге тарта эпостық туындыны халықтың рухани-ағарту игіліне пайдаланып, жыраулық поэзия арқылы бабаларымыздың қанындағы тектілігі мен тазалығын жастардың бойына сіңіру.

Онлайн байқауға қатысатын Ұлы дала елінің әр өңірінен ниет білдірген кәсіби және әуесқой жыршы-термешілер парасаттылық пен адалдықты, әділдік пен шыншылдықты арқау ететін, сыбайлас жемқорлыққа қарсы көзқарасқа шақыратын бұрынғы және бүгінгі ақын-жыраулардың шығармаларын талғамы биік тыңдарманның назарына ұсынатын болады.

Үміткерлердің арасында халықаралық және республикалық додаларда топ жарып жүрген Эльвира Есназар, Елбол Қуанбек, Аяулым Қамажан сияқты танымал өнерпаздар да бар.

Сайысқа түсетін шығармалар терме мәтінің тақырыптық мағынасы, мақам-саз қолдануы, орындаушылық шеберлігі, өнерпаздың киім үлгісі, видеоның сапасы сияқты ерекшеліктер бойынша бағаланады. Байқау жеңімпаздарын онлайн дауыс беру арқылы көрермен таңдайды.

Байқау 26 тамыз күні басталды. Онлайн дауыс беру республикалық ақпараттық-ағарту штабы жетекшісінің Youtube-арнасында (Yrza Tursynzada Live) жүргізіледі.

Бас жүлде иегеріне 1 миллион теңге тұратын «Атамұра» этножобасы табысталады. Сондай-ақ, үздік өнер көрсеткен өнерпаздарға арнайы сыйлықтар қарастырылған.


Біздің каналымызға жазылыңыз:

Бөлісіңіз:

Автор:

Гүлзат Ақжолова

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT