+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Жын шығарамын деп кісі өліміне күдікке ілінген емші қамаудан шықты

2019 жылғы 17 қаңтар 13:33
Бөлісіңіз:
Жын шығарамын деп кісі өліміне күдікке ілінген емші қамаудан шықты

ТАЛДЫҚОРҒАН. ҚазАқпарат - Алматы облысында 28 жастағы жігіттің өліміне күдікке ілінген халық емшісі екі айға үйқамаққа алынды, деп хабарлайды ҚазАқпарат тілшісі.

«15 қаңтарда күдікті екі айға үйқамаққа алынды», - деп мәлімдеген еді облыстық соттың баспасөз қызметі.

Ал бұған дейін облыстық полиция департаменті 63 жастағы емшінің уақытша ұстау оқшаулағышында жатқанын ресми түрде мәлімдеген болатын.

Естеріңізге сала кетейік, кісі өлімі туралы факт 12 қаңтарда Қарасай ауданында тіркелген. Сот-медициналық сараптама барысында 28 жастағы азаматтың кеуде тұсынан қатты жабық жарақат алғаны, бірнеше қабырғаларының сынғаны және өкпесінің зақымданғаны анықталған. Осы ауыр жарақаттар кісі өліміне себеп болуы мүмкін. Аталған факті бойынша іс қозғаған полиция кісі өліміне күдікті ретінде жергілікті емшіні ұстады. «Марқұмның туыстары тарапынан полицияға ресми арыз әлі түскен жоқ. Дегенмен, оқиға бойынша ҚР Қылмыстық кодексінің 3 бөлімі, 106 бабы бойынша (Кісі өліміне әкеп соғатын денсаулыққа қасақана ауыр залал келтіру) сотқа дейінгі тергеу жүргізілуде. Күдікті ретінде дәстүрлі емес медицинамен айналысатын 63 жастағы азамат ұсталды», - делінген облыстық полиция департаментінің баспасөз баянында.

Белгілі болғандай, марқұмды емшіге туыстары әкелген. Олар жас жігіттің ішінде жын бар деп ойлаған. Марқұм болған жігіт соңғы үш жылдан бері науқас екен. Емші жігіттің бойынан жынды шығарамын деп бес күн бойы «емдеген». Осының салдары кісі өліміне соқтырған болуы мүмкін.

Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT