+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Жылыту маусымы: ШҚО құтқарушылары 82 мың үйді аралап шықты

2021 жылғы 20 қазан 20:51
Бөлісіңіз:
Жылыту маусымы: ШҚО құтқарушылары 82 мың үйді аралап шықты

ӨСКЕМЕН. ҚазАқпарат – Шығыс Қазақстан облысының құтқарушылары жылыту маусымының басталуына орай жер үй тұрғындарына түсіндіру жұмысын жүргізді, деп хабарлайды ҚазАқпарат тілшісі.

ШҚО ТЖД баспасөз қызметінің мәліметіне сүйенсек, құтқарушылар өңір жұртшылығына пешті жылыту маусымына дайындауға көмектесуде. Тарбағатай ауданында 50-ге жуық үй иесіне пешті ретке келтіріп, дайындауға көмек көрсетілген. Департамент қызметкерлері пештегі жарықтарды бітеп, халық арасында түсіндіру жұмыстарын жүргізіп жатыр.

«Құтқарушылар облыс бойынша 82 мыңнан астам үйді аралап шықты. Әр үй иесіне пешті қауіпсіз пайдалану ережелері жазылған жадынамалар таратылды. Өткен жылыту маусымында құтқарушылардың ескертуін елемеген 76 адам зардап шеккен. Жақын арада жалғыз басты қарттар, мүгедектер мен көпбалалы отбасылар тұратын үйлерге улы газды анықтайтын құрылғы орнату жұмыстары басталады», - деп хабарлады ведомство өкілдері.

Естеріңізге сала кетсек, бүгін Шығыс Қазақстанда иіс тиген 4 адамның ауруханаға жеткізілгенін хабарлаған болатынбыз.


Біздің каналымызға жазылыңыз:

Бөлісіңіз:

Автор:

Талғатжан Мұхаметбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT