+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

Жылына 1 мыңға жуық адам ата-аналық құқығынан айырылады – ІІМ

2019 жылғы 12 қыркүйек 14:35
Бөлісіңіз:
Жылына 1 мыңға жуық адам ата-аналық құқығынан айырылады – ІІМ

НҰР-СҰЛТАН. ҚазАқпарат – Елімізде жыл сайын 1 мыңға жуық ата-ана өз құқықтарынан айырылады, одан бөлек 40 мың ата-ана мен заңды өкіл балалар құқығын бұзғаны үшін әкімшілік жазаға тартылады. ҚР Ішкі істер министрінің бірінші орынбасары Марат Қожаев ОКҚ-де өткен баспасөз мәслихатында мәлім етті, деп хабарлайды ҚазАқпарат тілшісі.

«Жыл сайын 40-тан астам ата-ана мен заңды өкілдер кәмелет жасына толмаған балалардың құқығы мен заңды мүддесін бұзғаны үшін әкімшілік жазаға тартылады. Сол секілді сот арқылы жыл сайын 1 мыңға жуық адам ата-аналық құқығынан айырылады. Бүгінгі таңдағы балалар құқығына қатысты басты проблема – оларға қарсы зорлық-зомбылық пен күш қолданудың тоқтамауы. Осы жылдың 8 айында кәмелет жасына толмаған жасөспірімдерге қатысты 589 қылмыстық іс тіркелді», - деді Марат Қожаев.

Сондай-ақ, вице-министр балаларға зорлық көрсетуге қатысты қылмыстық жауапкершілікті қатайту бағытындағы заң жобасын әзірлеу қолға алынғанын айтты.

«Қазіргі уақытта балаларға зорлық-зомбылық көрсеткен 1,5 мың адам түзеу мекемелерінде өз жазасын өтеп жатыр. Сонымен қатар, бала құқығына қатысты тағы бір мәселе - олардың қараусыз қалуынан немесе бос уақытының көп болуынан түрлі бағыттағы оқыс оқиғаға тап болуы. Биыл 286 бала ажал құшты. Оның 16-сы - өрт салдарынан, 124-і суға кетіп қайтыс болды және 146 бала жол-көлік апатынан мерт болды», - деді ол өз сөзінде.

Айта кетейік, бұған дейін М. Қожаев елордада өз баласын ұрып өлтірген әйелге қатысты соталды тергеу жүріп жатқанын мәлім етті. Одан бөлек, министрдің орынбасары балаларға зорлық-зомбылықты көбінде кім жасайтынын айтқан болатын.

Біздің каналымызға жазылыңыз:

Басты сөздер: Адам құқығы, Қоғам, ҚР ІІМ,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT