Жылқы ұрлап, жәбірленушіге 5,4 млн. теңге залал келтірген күдікті қамалды - БҚО

ОРАЛ. ҚазАқпарат - БҚО Ақжайық аудандық №2 сотының қаулысымен ҚР ҚК 188-бабы3-бөлімімен ірі көлемде ұрлық жасады деп айыпталған Д. есімді азамат екі ай мерзімге қамауға алынды.

БҚО сотының баспасөз қызметінен түскен мәліметке қарағанда, шаруа қожалығының жетекшісі өзінің жұмысшысымен алдын ала сөз байласып, 2014 жылдың шілдесінен желтоқсанына дейін Ақжайық ауданы Ақсуат ауылдық округі тұрғынының «Жамбыл» шаруа қожалығының өрісінде еркін жайылыста жүрген жылқыларын бірнеше рет ұрлаған. Сөйтіп жәбірленушіге 5,4 млн. теңге көлемінде материалдық залал келтірген.