Жыл соңына дейін 100 мыңнан астам алматылық салыққа рақымшылықты пайдалана алады

None
None
АЛМАТЫ. ҚазАқпарат – Алматы қаласының Мемлекеттік кірістер департаменті мүлік, жер, көлік құралдары салығы бойынша берешегі бар азаматтарды жыл соңына дейін өсімпұлсыз қарызын өтеу мүмкіндігін пайдалануға шақырады, деп хабарлайды ҚазАқпарат тілшісі.

Бұл туралы Өңірлік коммуникациялар қызметі алаңында өткен онлайн брифинг барысында Алматы қаласы Мемлекеттік кірістер департаменті басшысының орынбасары Орынкүл Қазиева мен Алматы қаласы Әділет департаменті басшысының орынбасары Жаңабай Ағманов мәлім етті.

Мемлекеттік кірістер департаментінің деректеріне сәкес, Алматы бойынша өсімпұлды есептен шығару бойынша акцияның басында борышкерлердің саны 192 мың жеке тұлғаны құрады, онда 6,5 млрд теңгеден астам берешек болды, оның ішінде негізгі борыш сомасы - 5,4 млрд теңге және өсімпұл сомасы - 1,1 млрд теңге.

«Бүгінгі таңда Алматы қаласы бойынша рақымшылықты 84 511 салық төлеуші пайдаланды, онда 209,2 млн теңге сомаға өсімпұл есептен шығарылды және негізгі борыштың өтелген сомасы 1,9 млрд теңгені құрайды. Бұл ретте өсімпұлды есептен шығару автоматты түрде жүргізіледі, қарыздың негізгі сомасын ғана төлеу жеткілікті», - деді Орынкүл Қазиева.

Жеке тұлғаларға 2020 жылдың 1 сәуіріндегі жағдай бойынша салық төлеушілердің дербес шоттарында есептелетін мүлік салығы, жер салығы және көлік құралдары салығы бойынша берешегі 2020 жылғы 31 желтоқсанға дейін төленген жағдайда өсімпұлдарды есептен шығарады.

«Мұндай норма салық міндеттемелері кәсіпкерлік қызметті, жеке нотариустың, жеке сот орындаушысының, адвокаттың немесе кәсіби медиатордың қызметін жүзеге асырумен байланысты емес жағдайларды қоспағанда, дара кәсіпкер ретінде тіркеу есебінде тұрған адамдарға және жеке практикамен айналысатын адамдарға қолданылмайды»,– деп атап өтті О.Қазиева.

Өз кезегінде Жаңабай Ағманов салық органдарынада орындалмаған салық бұйрықтары бойынша және жеке тұлғалардан берешекті өндіріп алу бойынша деректер келіп түсетінін атап өтті. Өз тарапынан сот орындаушылары мәжбүрлеп атқарушылық іс жүргізуді қозғайды – бұл шоттарға тыйым салу, жылжымалы және жылжымайтын мүлікке тыйым салу, сондай-ақ мүлікті алып қою.

«Атқарушылық іс жүргізу қозғалғаннан кейін біз соттылық жөніндегі хабарламада бұл салықтық рақымшылық көрсетілмеуі үшін айыппұлдарды ерікті түрде төлеуді ұсынамыз. Әрине, бізге келіп түсетін салық бұйрықтары өсімпұлдармен бірге келеді. Сондықтан хабарламаларда салықтық рақымшылық жүргізу мерзімдерін түсіндіреміз», - деді Ж.Ағманов.

Хабарламалар бойынша сұрақтар туындаған жағдайда тұрғындар Алматы қаласы Әділет департаментінің call-орталығына 8 (727) 291 85 26, 8 707 615 13 95 нөмірлері бойынша хабарласа алады.

Соңғы жаңалықтар