Жыл басынан бері елордада 19 автокөлік өртенді: ТЖД жүргізушілерге ескерту жасады

НҰР-СҰЛТАН. ҚазАқпарат - Биыл астана аумағында 19 автокөлік өртенді. Өрттің шығуының негізгі себебі электр сымдарының қысқа тұйықталуы, көліктерді отпен қыздыру (факелдармен, лампалармен).

Ұқсас жаңалықтар

Оралда көпқабатты үйдегі өрттен 14 адам эвакуацияланды

Нұр-Сұлтанда биыл крещение рәсімі өтпейді Астанада Федор Достоевскийдің «Ұлдар» драмасының премьерасы өтті Елордада мүгедек баланың анасын автобусқа отырғызбай қойған жүргізуші жұмыстан кетті

Бұл туралы ҚазАқпарат қалалық Төтенше жағдайлар департаментінің баспасөз қызметіне сілтеме жасап хабарлайды.

Қалыптасқан жағдайға байланысты Нұр-Сұлтан қаласының Төтенше жағдайлар департаментінің өкілдері көлікті жылытудың қауіпсіз ережелерін еске салды:

1) Автомобильді дәнекерлеу лампасы және газбен жанатын құралдармен, басқаша айтқанда ашық отты пайдалану қауіпті;

2) Автокөлікті жылытуға арналмаған заттарды пайдаланбаңыз;

3) Қызуына шетінен кұшейте отырып, көлікті, көлікті бірнеше кезеңде қыздырыңыз;

4) Егер сіз 3-4 әрекеттен кейін қозғалтқышты іске қоса алмасаңыз, аздап үзіліс жасаңыз, содан кейін әрекетіңізді тағы бір рет қайталаңыз;

5) Егер қозғалтқышты өз бетіңізше іске қосу мүмкін болмаса, мамандарға хабарласыңыз;

6) Қозғалтқышты ескі сыртқы киіммен немесе көрпемен жабуға болмайды - ол жануы мүмкін. Жылуды сақтау үшін арнайы материалды пайдалану керек;

7) Көліктің майы қатып қалмау үшін автоматты оталдыратын құрылғыларды пайдаланыңыз;

8) Егер сіз бензинді үнемдегіңіз келсе, аяз кезінде көлікті арнайы тұраққа қойыңыз немесе қозғалтқышты жылыту үшін сертификатталған, жанбайтын материалды пайдаланыңыз.

9) Жылыту үшін автомобильге қолдан жасалған электр жабдығын орнатпаңыз;

10) іске қосылған электр жылытқыштарын машинада қараусыз қалдырмаңыз, одан өрт шығуы мүмкін.