+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Жыл басынан бері балаларға арналған жәрдемақыға бюджеттен 162 млрд теңге төленді

2019 жылғы 18 қараша 16:26
Бөлісіңіз:
Жыл басынан бері балаларға арналған жәрдемақыға бюджеттен 162 млрд теңге төленді

НҰР-СҰЛТАН. ҚазАқпарат - 2019 жылы балалары бар отбасыларды қолдауға және әлеуметтік жәрдемақы төлеуге республикалық бюджетте 196 млрд теңгеден астам қаржы көзделген, оның 162,5 млрд теңгесі игерілді, деп хабарлайды ҚазАқпарат.

Ұқсас жаңалықтар
Ермек Маржықпаев АӘК енгізудің тетігін түсіндірді 2020 жылы көпбалалы отбасыларды әлеуметтік қолдауға 327 млрд теңге бөлінеді 2020 жылғы қаңтарда көпбалалы отбасыларға 17 млрд теңгеден астам қаражат төленеді

Бүгінде мемлекет тарапынан отбасылардың 5 санатына әлеуметтік қолдау көрсетіледі: 1 жасқа дейінгі балалары бар аналар мен отбасыларға, көпбалалы отбасыларға, мүгедек балалары бар отбасыларға, табысы аз отбасыларға, асыраушысынан айырылған және балаларды қамқоршылыққа алған отбасыларға.

«Бала туған кезде бір реттік жәрдемақы беріледі, оның мөлшері баланың туу кезегіне байланысты болады. 2019 жылы бірінші, екінші, үшінші баланың дүниеге келуіне байланысты жәрдемақы мөлшері 95 950 теңгені құраса, төртінші және одан да көп балаға – 159 075 теңгені құрайды. Бүгінде 308,6 мың адам 33,7 млрд теңге көлемінде жәрдемақы алды», - делінген Еңбек және халықты әлеуметтік қорғау министрлігінің мәліметінде.

Сонымен қатар, бір жасқа дейінгі бала күтімі бойынша әлеуметтік қолдау көзделген. Жәрдемақы мөлшері отбасындағы балалар санына байланысты 14 544 теңгеден 22 473 теңгеге дейінгі мөлшерді құрайды. Ағымдағы жылдың басынан бері 137,5 мыңнан астам адам 28,5 млрд теңге көлемінде осындай жәрдемақы алды.

Бұдан бөлек, мүгедек баланы оның кәмелеттік жасқа жеткенге дейін тәрбиелейтін адамдарды қолдауға жекелеген әлеуметтік шаралар қарастырылған. Ағымдағы жылдың басынан бері мұндай жәрдемақы 30,6 млрд теңге сомасында 84,6 мың адамға төленді. 2019 жылғы 1 шілдеден бастап оның мөлшері 41 578 теңгені құрайды.

«2019 жылғы 1 шілдеден бастап бала кезінен бірінші топтағы мүгедектігі бар адамға күтім жасау бойынша жәрдемақы енгізілді. Оның мөлшері – 41 578 теңге. Жәрдемақы енгізілгеннен бері мұндай жәрдемақы 4,9 млрд теңге сомасында 13,6 мың адамға төленд», - деп нақтыланған ведомство хабарламасында.

«Алтын алқа» және «Күміс алқа» алқаларымен марапатталған немесе бұрын «Батыр ана» атағын алған, I және II дәрежелі «Ана даңқы» ордендерімен марапатталған көпбалалы 235 мың анаға табысына қарамастан, ай сайын жәрдемақы төленіп келеді. Қазіргі уақытта бұл жәрдемақының мөлшері 16 160 теңгені құрайды.

Төрт және одан көп кәмелетке толмаған балалары бар көпбалалы отбасыларға арнаулы мемлекеттік жәрдемақы төленеді. Ағымдағы жылы жәрдемақының бұл түрі 26,7 млрд теңге көлемінде 253,5 мың отбасыға төленді.

Естеріңізге сала кетейік, 2020 жылғы 1 қаңтардан бастап 4 және одан да көп кәмелетке толмаған немесе 23 жасқа дейінгі күндізгі оқу бөлімінде оқитын балалары бар көпбалалы отбасыларға жаңа мемлекеттік жәрдемақы енгізу жоспарлануда. Бұл жәрдемақы отбасының табысына қарамастан сараланған мөлшерде тағайындалады: 4 балаға – 42 496 теңге; 5 балаға – 53127 теңге; 6 балаға – 63 757 теңге; 7 және одан көп балаға – 74 388 теңге.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059

MURAǴAT