Валюта бағамдары:
    usd/kzt 476.01 eur/kzt 490.15

    rub/kzt 7.81 cny/kzt 70.64
Ауа райы:
Нұр-Сұлтан: 1 °С
Алматы: 15 °С

Жыл басынан бері әуе компаниялары 2,6 млн жолаушыны тасымалдады

2022 жылғы 31 мамыр 01:48

НҰР-СҰЛТАН. ҚазАқпарат - Отандық әуекомпаниялар биылғы қаңтар-сәуір айларында ішкі бағытта - 2 млн жолаушы (2021 жылы – 2,2 млн, 2020 жылы – 1,2 млн жолаушы), халықаралық бағытта - 622 мың жолаушы (2021 жылы - 468 мың, 2020 жылы - 431 мың) тасымалдады, деп хабарлайды ҚазАқпарат.

Атап айтқанда, «Air Astana» компаниясының жолаушылар ағыны - шамамен 1,1 млн жолаушы, «FlyArystan» - 761 мың және «SCAT» - 630 мыңға жуық жолаушы.

Елдің әуежайларында қызмет көрсетілген жолаушылар саны - 5,1 млн. Бұл өткен жылғы көрсеткіштен 9%-ға артық (2021 жылы – 4,7 млн, 2020 жылы – 3,3 млн).

Қазіргі уақытта ішкі әуе рейстерін 5 отандық әуекомпаниясы аптасына 605 рейс жиілігімен 57 бағыт бойынша орындайды.

Халықаралық рейстер 27 елге аптасына 433 рейс жиілігімен 99 бағыт бойынша орындалады.

Бұл - Түркия, БАӘ, Өзбекстан, Грузия, Тәжікстан, Ресей, Қырғызстан, Беларусь, Германия, Египет, Оңтүстік Корея, Нидерланд, Польша, Армения, Ұлыбритания, Мальдив аралдары, Таиланд, Әзербайжан, Катар, Кувейт, Сауд Арабиясы, Моңғолия, Үндістан, Иран, Чехия, Греция (1 маусымнан бастап) және Италия (12 маусымнан бастап).

Новости по теме
Ұқсас жаңалықтар
Серіктестер жаңалықтары