Қолданушы баптаулары
Қолданушы баптаулары
+7 (701) 759 90 19 Лента
Астана: 24 °С
Алматы: 20 °С
USD 325.75 EUR 382.04
RUB 5.31 CNY 51.04
Жаңалықтар

Журналистерді даярлау жүйесін өзгертеміз - министр Абаев

2018 жылғы 16 мамыр 13:55 580
Бөлісіңіз:
Журналистерді даярлау жүйесін өзгертеміз - министр Абаев

АСТАНА. ҚазАқпарат - Бүгін ҚР Ақпарат және коммуникациялар министрі Дәурен Абаев журналистерді даярлау жүйесін өзгертуге уәде етті, деп xабарлайды ҚазАқпарат тілшісі.

Ұқсас жаңалықтар
Алматы облысында жыр алыбы Жамбылға ескерткіш орнатылды Қызылорда мектептерінде қоңырау орнына «Аққу» күйі ойнайды

«Мен бұл мәселені өзім де байқап жүрмін. Журналистика саласында білім беру сапасына қатысты көптеген сұрақтар туындап жатыр. Негізі, бәрі орынды. Университеттерде сабақ беріп жүрген журналистика кафедраларымен бірге осы саладағы басшыларды біріктіріп, бұл жұмысты нақты бір жүйеге келтіруіміз керек. Біз оны қолға аламыз. Оған уәде етемін. Жылдың соңына дейін осы мәселеге қатысты нақты бір xабар береміз деп ойлаймын», - деді Д.Абаев xалыққа есеп беру кездесуінде.

Министрдің айтуынша, ҚР Білім және ғылым министрлігімен бірлесе отырып, әдістемені өзгерту жайы да қаралады.


Журналистерді даярлау жүйесін өзгертеміз - министр Абаев«Бізге сапалы журналистика қажет. Ал сапалы журналистикаға сапалы ұстаздар қажет, сапалы әдістеме болуы керек. Журналистердің саны аз болсын, бірақ сапасы жоғары болғаны дұрыс. Әрине, басқа салада жүрген дарынды журналистер де бар. Жазуы да, стилі де жақсы. Ондай мамандарды да ортақ жұмысқа тарту қажет», - деді Д.Абаев.

Осы орайда министр ағылшын оқулықтарын қазақ тіліне аудару шараларын да еске алды.


Журналистерді даярлау жүйесін өзгертеміз - министр Абаев«Мысалы, медиа этикаға арналған кітап алғаш рет ағылшын тілінен қазақ тіліне аударылды. Біз жыл сайын бір-екі кітаптан аударып отырамыз. Ол да бір көмегін тигізеді деп ойлаймын», - деп атап көрсетті Д.Абаев.

Айта кетейік, кездесу кезінде Дәурен Абаев журналистерді баспанамен қамтудың машақаты туралы айтып берді.

Сондай-ақ оның айтуынша, қазіргі кезде БАҚ-тың жаңа рейтингісін әзірлеу жұмыстары атқарылып жатыр.

 

 

 


Бөлісіңіз:

Автор:

Арман Асқаров

Онлайн қызметкерлер
Редактор
Кожакелдиев Е.
Кожакелдиев Е.
954-059
Мұрағат