+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Журналистерді аккредитациялау тәртібін өзгертеміз - Дәурен Абаев

2019 жылғы 19 ақпан 11:55
Бөлісіңіз:
Журналистерді аккредитациялау тәртібін өзгертеміз - Дәурен Абаев

АСТАНА. ҚазАқпарат - ҚР Ақпарат және коммуникациялар министрі Дәурен Абаев журналистерді аккредитациядан өткізу және тақырып бойынша сұрақ қою мәселесіне қатысты пікір білдірді, деп xабарлайды ҚазАқпарат тілшісі.

Министрдің айтуынша, журналист нақты бір маманның құзіретіне жататын кез келген сұрақты қоюға құқылы. Бірақ іс-шара басқа тақырып бойынша өтуі мүмкін. Ал модератор сол тақырып бойынша сұрақ қоюға талап етеді.

«Енді модератор алдын ала тақырыпты жариялап, тек соған қатысты сұрақ қоюға өтініш жасай алады. Онда тұрған ештеңе жоқ деп ойлаймын. Бірақ іс-шарадан кейін маман, я болмаса шенеунік өз құзіретіне жататын кез келген сұраққа жауап беруге міндетті. Ол үшін журналистің аккредитациясын ешкім алып қоймайды. Аккредитация туралы ережелерде ыңғайсыз сұрақтарға қатысты ештеңе жазылмаған», - деді Д.Абаев журналистерге берген сұxбатында.

Оның сөзіне қарағанда, ережеде ыңғайсыз сұрақтарға қатысты ештеңе жазылмаса да, модератордың тәртібі сақталмаған жағдайда журналисті аккредитациядан айыру мәселесі бар.

«Біз оны алып тастайтын шығармыз. Сосын аккредитациядан өткен журналистердің санына қатысты бір мәселе бар. Біз барлық редакцияларды қамтуға тырысамыз. Бірақ кей басылымдар 5-7 журналисті аккредитацияға жібереді. Содан орын жетпей жатады. Ол жағын да қарастыратын боламыз. Аккредитация үшін журналистің келісімшартын көрсету міндетін де алып тастаймыз», - деп атап көрсетті Д.Абаев.

Осы орайда министр журналистерді жазбаша ұсыныс беруге үндеді. Аталған тақырыпты кеңінен талқылау үшін арнайы жиналыс та өткізуге келісті.

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT