Журналист Михаил Козачков екі айға қамауға алынды

АЛМАТЫ. ҚазАқпарат- Алматының Тергеу соты журналист Михаил Козачковты екі айға қамауға алу туралы шешім шығарды, деп хабарлайды ҚазАқпарат тілшісі.

«Тергеу сотының қаулысымен тергеу органдарының 2 ай мерзімге қамауға алу түріндегі бұлтартпау шарасын санкциялау туралы өтініші қанағаттандырылды. Яғни, 2023 жылдың 18 ақпанына дейін»,- делінген сот хабарламасында.

Қаулы заңды күшіне енген жоқ.

Қылмыстық-процестік кодекстің 201-бабына сәйкес тергеу құпия түрде жүзеге асырылғандықтан, тергеп-тексеруге қатысты өзге де мәліметтер жарияланбайды.

Еске салсақ, бұған дейін журналист Михаил Козачков ұйымдасқан қылмыстық топқа көмектескен деген күдікпен ұсталғанын жазған болатынбыз. Сондай-ақ Ақорда Михаил Козачковтың ісі ҚР заңнамасына сәйкес тек құқық шеңберінде қаралуға тиіс екенін хабарлады. Бас прокуратура да бұл іске қатысты пікір білдірді.

Ашық көздерден алынған фото