Жұмысшыларға жалақы төлемей келген 1 мыңнан астам кәсіпорынға айыппұл салынды

None
None
НҰР-СҰЛТАН. ҚазАқпарат - 2020 жылы мемлекеттік еңбек инспекторлары 31 мыңнан астам жұмыскердің құқығын қорғады, деп хабарлайды ҚазАқпарат.

2020 жылғы 31 желтоқсандағы жағдай бойынша мемлекеттік еңбек инспекторлары республиканың 1184 кәсіпорнында 31 мың жұмыскер алдында 4,2 млрд теңгеден астам жалақы берешегі бар екенін анықтады.

Аталған кәсіпорын басшыларына орындалуға міндетті 790 нұсқама беріліп, 106,4 млн теңгеден астам айыппұл салынды.

Қолданылған шаралардың нәтижесінде, оның ішінде жалақы бойынша берешекті өтеудің мерзімі мен кестесін қатаң белгілеу арқылы 31 мыңнан астам жұмыскердің құқығы қорғалып, оларға 4,2 млрд теңге төленді.

Жалпы, өткен жылы мемлекеттік еңбек инспекторлары 3,9 мың тексеру жүргізді.

ҚР еңбек заңнамасын бұзудың 6,1 мыңнан астам фактісі анықталып, 174,3 млн теңге сомаға айыппұл салынды.


Соңғы жаңалықтар