+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Жұмыспен қамтудың Жол картасы: Алматы облысына 109,2 млрд теңге бөлінді

2020 жылғы 27 наурыз 14:18
Бөлісіңіз:
Жұмыспен қамтудың Жол картасы: Алматы облысына 109,2 млрд теңге бөлінді

ТАЛДЫҚОРҒАН. ҚазАқпарат - Жұмыспен қамтудың Жол картасын жүзеге асыру үшін Алматы облысына 109,2 млрд теңге бөлінді, деп хабарлайды ҚазАқпарат тілшісі.

Ұқсас жаңалықтар
Студенттер, медқызметкерлер: Атырау облысында коронавирустың жаңадан 6 жағдайы анықталды Алматы облысының кәсіпкері дәрігерлерге құрмет көрсетті Алматы облысында Өзбекстаннан тойдан келген әйелден коронавирус анықталды

«Өздеріңіз білетіндей, Мемлекет басшысы Қасым-Жомарт Тоқаев 23 наурызда Төтенше жағдай жөніндегі мемлекеттік комиссияның отырысында «Жұмыспен қамтудың Жол картасын« жүзеге асыру үшін 1 трлн теңге бөлуді тапсырды. Оның ішінде Алматы облысына 109,2 млрд теңге бөлінді. Бұл біздің өңір үшін өте маңызды және қажетті қаражат. Бірінші кезекте халықты жұмыспен қамту мәселесін шешу маңызды. Өйткені коронавирусқа байланысты облыстың көптеген тұрғындары жұмыссыз қалды. Олардың отбасыларына жағдай жасап, жаңа жұмыс орындарын ашу қажет. Бұған дейін жұмыс жасауға осындай орасан зор қаражат бөлінген жоқ. Сондықтан біз оларды бөлгенде жауапкершілікпен қарауымыз керек. Есепті кездесу, жеке қабылдаулар кезінде тұрғындар жүгінген облыстың аудандары мен қалаларына да қаражат бөлеміз. Тұрғындардың барлық өтініштерін талдап, бөлінген қаражатқа маңызды және қажетті жобаларды жүзеге асыру қажет. Жолдарды жасау, әлеуметтік нысандарды жөндеу және тағы басқа», - деді Алматы облысының әкімі Амандық Баталов.

Жұмыспен қамтудың жол картасы аясында Алматы облысында 27,3 мың жұмыс орнын құрумен 1 240 жоба іске асырылатын болады. Өңірде жобалар 4 бағыт бойынша жүзеге асырылады. Біріншіден, бұл әлеуметтік нысандарды күрделі жөндеу, қайта жаңарту. Мысалы, тек білім беру саласында 88 нысан күрделі, ағымдағы жөндеуге жатады, ал 351 мектепте сыртқы дәретханаларды жою керек. Жалпы әлеуметтік-мәдени салада 31,8 млрд теңгеге 491 жоба іске асырылатын болады. Екіншіден, тұрғын үй-коммуналдық шаруашылық объектілерін ағымдағы, орташа, күрделі жөндеуден және жаңартудан өткізу қажет. Осы бағыттағы 79 нысан бойынша 5 мыңға жуық жұмыс орнын құру көзделеді. Оған 20 млрд теңге қарастырылған. Үшінші бағыт - бұл инженерлік-көлік инфрақұрылымын күрделі, орташа, ағымдағы жөндеу және қайта жаңарту. Мұнда 547 нысан бойынша 8 500 мың жұмыс орны құрылмақ, оған 34,2 млрд теңге бөлінеді. Төртінші бағыт – елді мекендерді абаттандыру. Барлығы 153 нысан 17 млрд теңгеге жаңартылмақ. Сонымен қатар, ирригациялық желілерді қайта жаңартуға 6,2 млрд теңге қарастырылған.


Біздің каналымызға жазылыңыз:

Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT