+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Жұмыспен қамтудың жол картасы: Ақмолада жылумен жабдықтау бойынша 34 жоба жүзеге асырылады

2020 жылғы 21 мамыр 01:45
Бөлісіңіз:
Жұмыспен қамтудың жол картасы: Ақмолада жылумен жабдықтау бойынша 34 жоба жүзеге асырылады

КӨКШЕТАУ. ҚазАқпарат – Ақмола облысына «Жұмыспен қамтудың жол картасы-2020» бағдарламасы шеңберінде жылумен жабдықтау бойынша 34 жобаны жүзеге асыру үшін 6,2 миллиард теңге бөлінді.

Ұқсас жаңалықтар
Нұр-Сұлтанда жұмыспен қамтудың жол картасы аясында ең қажетті мамандықтар белгілі болды Көкшетауда 79 жастағы қария өрттен құтқарылды Жұмыспен қамтудың жол картасы аясында 130 мыңнан астам жұмыс орны ашылды

Бұл туралы аймақ басшысы Ермек Маржықпаевтың төрағалығымен өткен әкімдік мәжілісінде айтылды, деп хабарлайды ҚазАқпарат тілшісі әкімдіктің баспасөз қызметіне сілтеме жасап.

Мәжілісте өткен жылыту маусымының қорытындысы шығарылып, алдағы маусымға дайындық мәселесі талқыланды.

Ақмола облыстық энергетика және тұрғын үй-коммуналдық шаруашылық басқармасының басшысы Иван Юрченконың айтуынша, «Жұмыспен қамтудың жол картасы-2020» бағдарламасы шеңберінде жылумен жабдықтау бойынша 34 жобаны жүзеге асыру үшін 6,2 миллиард теңге бөлінді. Жалпы, аталған бағдарлама бойынша басқарма тарапынан құны 10,9 миллиард теңге болатын 72 жоба жүзеге асырылуда. Жұмыспен қамту орталықтары арқылы 1364 адамды жұмысқа орналастыру жоспарланған. Бүгінгі таңда 56 жоба бойынша келісімшарт жасалған, 16 жоба бойынша конкурстық шаралар жүзеге асырылып жатыр.

Биылғы жылы облыстағы бірқатар елді мекендеріндегі жылу қазандықтарды жаңғырту бойынша жұмыстар жүргізіледі. Бұл қосымша 61 көппәтерлі тұрғын үйді, 454 жеке үйді, 31 әлеуметтік нысанды жылумен жабдықтау желісіне қосуға мүмкіндік береді.

«Алдағы күзде өтетін Қазақстан-Ресей аймақаралық форумына дайындық шеңберінде Көкшетау қаласындағы нысандарды және жаңадан салынып жатқан тұрғын үйлерді тұрақты жылумен жабдықтауды қамтамасыз ету үшін облыс оралығында құны 2,6 миллиард теңге болатын ТМ-2 жылу магистралі қалпына келтірілуде.

Краснояр кентінде жылумен жабдықтау желісінің құрылысы басталды. Жобаны 2021 жылы аяқтау жоспарланған. Бұл 110 абонетті (30 көппәтерлі тұрғын үй және 80 жеке үйді) бір орталықтандырылған жылу желісіне қосуға мүмкіндік береді.

Бурабай ауданында қазандық және жылу желісі сияқты 20 нысанды жөндеу үшін 2,1 миллиард теңге қаржы бөлінді. Оның ішінде Бурабай кентіндегі жылу қазандығын кеңейту жоспарланған», - дейді басқарма басшысы.


Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанат Қапалбаева
Жанат Қапалбаева
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT