+7 (701) 759 90 19
USD 417.9 EUR 503.07
RUB 5.64 CNY 64.7
Jańalyqtar

Жұмыспен қамтудың жол картасы: 240 мыңға жуық адам жұмысқа орналасты

2021 жылғы 25 қаңтар 09:48
Бөлісіңіз:
Жұмыспен қамтудың жол картасы: 240 мыңға жуық адам жұмысқа орналасты

НҰР-СҰЛТАН. ҚазАқпарат - Жұмыспен қамтудың 2020-2021 жылдарға арналған жол картасы шеңберінде 6,7 мың әлеуметтік маңызы бар инфрақұрылым жобасы іске асырылып жатыр. Онда 130 мың теңге орташа жалақымен 239 мың адам жұмыспен қамтылған, деп хабарлайды ҚазАқпарат.

Ұқсас жаңалықтар
Халықты жұмыспен қамту: 331 жоба жоспарланып отыр Қазақстанда өндірістегі жазатайым оқиғалардан зардап шеккендердің саны өсті Жұмыссыз жастарды еңбекпен қамтудың үлесі қандай

Еңбек және халықты әлеуметтік қорғау министрлігінің мәліметіне сенсек, жол картасының инфрақұрылым жобаларын іске асыру 4 негізгі бағыт бойынша жүргізілуде:

- әлеуметтік-мәдени объектілерді күрделі және ағымдағы жөндеу, реконструкция және салу;

- тұрғын үй-коммуналдық шаруашылық объектілерін күрделі, орташа және ағымдағы жөндеу, реконструкциялау;

- инженерлік-көліктік инфрақұрылымды күрделі, орташа және ағымдағы жөндеу, реконструкциялау, салу;

- елді мекендерді абаттандыру.

Отандық өндірушілердің тауарлары мен қызметтерінің кемінде 90%-ын қолдану - инфрақұрылым жобаларын іске асырудың ерекше шарты.

Қызметкерлердің кемінде жартысы халықты жұмыспен қамту орталықтары арқылы жалданады және жұмыссыз жастарға басымдық беріледі.

Мердігерлер санитарлық-эпидемиологиялық шараларды қолдана отырып, қауіпсіз еңбек жағдайын қамтамасыз етуге тиіс.

2020 жылдың қорытындысы бойынша өңірлерде 6,7 мың жоба бойынша жұмыс басталды, 239 мың жұмыс орны ашылды.

Оның ішінде 120 мыңнан астамы халықты жұмыспен қамту орталықтары арқылы құрылды.

Бағдарламаға қатысушылардың жартысы - ауыл тұрғындары, 39% - жастар және 7% - табысы аз азаматтар.

Қабылданған шаралар жұмыссыздықты - 5%, жастар жұмыссыздығын - 3,9% деңгейінде ұстап тұруға мүмкіндік берді.

Жол картасымен жұмыспен қамтылғандардың ең көп үлесі Түркістан (25,3 мың), Шығыс Қазақстан (21 мың), Жамбыл (20 мың) облыстарында, сондай-ақ Алматы қаласында (21,4 мың).

ЖҚЖК жобалары болашақта 100 мыңнан астам тұрақты жұмыс орнын ашуға негіз болады деп күтілуде.

Біздің каналымызға жазылыңыз:

Бөлісіңіз:
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT