Жұмада Қазақстанның басым бөлігінде жел күшейіп, жаңбыр жауады

АСТАНА. ҚазАқпарат - 18 мамырда Қазақстанның басым бөлігінде атмосфералық ағындардың өтуіне байланысты кей жерлерде жаңбыр жауады, найзағай жарқылдайды. Тек республиканың оңтүстік бөлігінде жауын-шашынсыз ауа райы күтіледі. Кей жерлерде жел күшейіп, тұман түседі, деп хабарлайды Қазгидромет.

Ақмола, Солтүстік Қазақстан облыстарының түнде кей жерлерінде, күндіз басым бөлігінде желдің жылдамдығы күшейіп 15-20м/с, күндіз кей жерлерінде 23-28 м/с жетеді, сондай-ақ Ақмола облысының кей жерлерінде тұман күтіледі.
Павлодар облысында күндіз жел жылдамдығы 15-20, кей жерлерінде екпіні 25 м/с дейін жетеді.
Шығыс Қазақстан, Қостанай, түнде Қарағанды, Алматы, күндіз Оңтүстік Қазақстан облыстарының кей жерлерінде жел 15-20 м/с күшейіп, Шығыс Қазақстан, Қостанай облыстарының кей жерлерінде - тұман түседі.