00:29, 16 Қараша 2018 | GMT +6
Жұма күнгі ауа райы болжамы
АСТАНА. ҚазАқпарат - 16 қараша күні республика территориясының басым бөлігінде жауын-шашынсыз ауа райы күтіледі. Фронталдық бөліктердің өтуіне байланысты республиканың тек солтүстігінде аздаған қар жауады. Кей жерлерде тұман, екпінді жел мен жаяу бұрқасын күтіледі, деп хабарлайды ҚазАқпарат.
«Қазгидромет» РМК-ның мәліметінше, Қарағанды, Шығыс Қазақстан, Жамбыл, түнде Түркістан, Қостанай облыстарының кей жерлерінде тұман түседі. Жамбыл және Түркістан облыстарының жекелеген аумақтарында желдің екпіні 15-20 м/с күшейеді.
Ақмола, Қызылорда, Маңғыстау облыстарында таңертең және күндіз желдің жылдамдығы 15-20 м/с артады.
Солтүстік Қазақстан облысының жекелеген аумақтарында жаяу бұрқасын болады.
Алматы облысының Жалаңашкөл ауданында жел 17-22 м/с күшейетіні күтілуде.