+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

ЖОО мен колледж студенттері қандай жағдайда 42 500 теңге алуы мүмкін

2020 жылғы 14 шілде 16:51
Бөлісіңіз:
ЖОО мен колледж студенттері қандай жағдайда 42 500 теңге алуы мүмкін

НҰР-СҰЛТАН. ҚазАқпарат - Студенттер экономикалық белсенді халыққа жатпағандықтан әлеуметтік төлем ала алмауы мүмкін. Бұл туралы ҚР Еңбек және халықты әлеуметтік қорғау министрі Біржан Нұрымбетов айтты, деп хабарлайды ҚазАқпарат тілшісі.

Ұқсас жаңалықтар
2 млн-нан астам қазақстандық 42 500 теңге төлемін алды Қарағанды облысында 102 мыңнан астам адам 42 500 теңге әлеуметтік төлем алды Екі млн қазақстандыққа 42 500 теңге төлем тағайындалды

«42 500 теңге әлеуметтік төлемінде студенттер деген бөлек санат жоқ. Мысалы студенттің студент болғаны үшін 42 500 теңге өткен жолы да төленген жоқ, бұл жолы да төленбейді. Жалдама қызметкер, жеке кәсіпкер немесе өзін-өзі жұмыспен қамтығандар шектеуге байланысты табысынан айырылғаннан кейін төлем төленеді. Ал бұл санатқа студенттер де кіруі мүмкін. Бұған дейін айтқанымдай, алдағы 1-2 күнде ережені пысықтап бітіреміз. Бірақ өткендегі төлем тәжірибесінде осы студенттерге қатысты сұрақтар студенттерге емес, бізге тиісті органдар тарапынан болды», - деді министр орталық коммуникациялар қызметіндегі брифинг барысында.

Оның атап өтуінше, сол кезде студенттерге әлеуметтік төлем төлеу заңсыз деген де сөздер болған.

«Сондықтан оны әлі пысықтап, алдағы 1-2 күнде кеңес жүргіземіз. Біздегі еңбек нарығына қатысты заңнаманы көтеріп, еңбек нарығындағы көрсеткіш, адамдардың мәртебесін қарасаңыздар, экономикалық белсенді халық деген бар. Олар: жұмыс істейтіндер, жұмыссыздар, өзін-өзі жұмыспен қамтығандар. Студенттер экономикалық белсенді халыққа жатпайды. Олар қарттармен, балалармен, мүгедек жандармен қосылып, экономикалық белсенді емес халық санатына жатады. Бұған қоса, студенттерді жұмыссыз ретінде тіркеуге болмайды. Мұнан бөлек, медициналық сақтандыру заңы бойынша оларған жарнаны мемлекет төлейді. Осыларды негізге ала отырып, өткен жолы студенттерге төлем жасау дұрыс болмады деген пікірлер болды. Осыларды пысықтап жатырмыз», - деді Біржан Нұрымбетов.

Дегенмен, оның атап өтуінше, студент жалдамалы жұмыс істеп жүрсе, онда жұмыс берушісі қызметкерінің атынан өтініш беруі керек.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT