Қолданушы баптаулары
Қолданушы баптаулары
+7 (701) 759 90 19 Лента
USD 377.62 EUR 426.03
RUB 5.67 CNY 55.78
Jańalyqtar

ЖОО бітіргендердің көпшілігі судья болғысы келмейді - ҚР Жоғарғы сот төрағасы

2019 жылғы 14 ақпан 11:48 344
Бөлісіңіз:
ЖОО бітіргендердің көпшілігі судья болғысы келмейді - ҚР Жоғарғы сот төрағасы

АСТАНА. ҚазАқпарат - ҚР Жоғарғы сот төрағасы Жақып Асанов Сот төрелігі академиясын тәмамдағандардың судьялыққа баруға ниеті жоқ екендігін мәлім етті, деп хабарлайды ҚазАқпарат.

Ұқсас жаңалықтар
Тауарларды таңбалау қандай нәтиже береді Қазақстанда біліктілігі төмен судьяларды босатудың жаңа тәртібі қандай

«Сот академиясына қатысты жағдайға тоқталсақ, қазір оқу орнын тәмамдағандардың көбісі судьялыққа барғысы жоқ. Екі жыл бойы мемлекеттің есебінен білім алады, бұрынғы жұмыс орнынан жақсы шәкіртақы алады. Бірақ оқуды аяқтағаннан кейін, судья болғысы келмейді», - деді Ж. Асанов Парламент Сенатының жалпы отырысында.

Оның сөзіне қарағанда, былтыр академияны 62 магистрант бітірсе, соның төртеуі судья болған.

«Сонда екі жыл уақыт пен оған бөлінген қаражат, өткізілген тағылымдама босқа кетті дегенді білдіреді. Осы орайда тиісті ұсынысты дайындадық. Академияны тәмамдағандар судьялыққа өтпесе, онда конкурссыз сот аппаратына немесе судьялардың көмекшісі ретінде алуға жол ашсақ. Сонда бұл кадрлар өзімізде қалып, тәжірибе жинап, келешекте судья болуға өзін дайындайтын болады», - деді Жоғарғы сот төрағасы.

Бұдан бұрын хабарланғандай, бүгін Парламент Сенатының жалпы отырысында «Қазақстан Республикасының сот жүйесі мен судьяларының мәртебесі туралы» ҚР Конституциялық заңына өзгерістер мен толықтырулар енгізу туралы» Конституциялық Заңы және «Қазақстан Республикасының кейбір заңнамалық актілеріне сот жүйесін жаңғырту мәселелері бойынша өзгерістер мен толықтырулар енгізу туралы» Заңы қабылданды.

Заңның мақсаты сот жүйесін жаңғырту, судья кадрларын сапалы дамыту және жаңартуға негізделіп отыр.

Жақып Асанов Қазақстанда судьялардың деңгейін бағалайтын арнайы жүйе құрылатынын түсіндірді.

 

 

Біздің каналымызға жазылыңыз:

Басты сөздер: ЖОО-лар, ҚР Жоғарғы соты,
Бөлісіңіз:

Автор:

Руслан Ғаббасов

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
MURAǴAT