Жолдауды жүзеге асыру: Интеллектуалды кен орындары мұнай өндіру көлемін арттырады
«Атырау облысындағы УАЗ кен орнына жүргізілген ілкі жоба тәжірибесіне арқа сүйей отырып, мұнай өндіру көлемі 1-2 пайызға артады деп күтілуде. Жобаның негізгі мақсаты пайдалану шығыстарын қысқарту болып табылады», - деп атап өтті ведомствоның баспасөз қызметі редакцияның ресми сауалына берген жауабында.
Бұған қоса министрлік «ҚазМұнайГаз» компаниясы жробаны енгізудің арқасында пайдалану шығыстарын қысқартатын мынадай негізгі тиімділік алмақ: ұңғыма жұмысына қалпына келтіру уақытын қысқарту; жөндеуаралық кезеңды арттыру; энергия тиімділігі және ұңғыман жөндеуге кететін шығыстардың үлесін төмендету.
«Интеллектуалды кен орны - бұл жедел бақылау және шұғыл шешім қабылдау үшін мәліметтерді үздіксіз өңдеу мен ақпараттарды мониторингілеуді қамтамасыз ететін технологиялық параметрлер мен бағдарламалық кешенді басқарудың жиынтық құралы», - деп атап өтеді баспасөз қызметінен.
Айта кетейік, ҚР Президенті Нұрсұлтан Назарбаев «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстанға халқына арналған биылғы Жолдауында инновациялық және сервистік секторларды дамытуға ерекше көңіл бөлуді тапсырған болатын.