+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Жолаушының смартфонын ұрлаған жолсерік ұсталды

2021 жылғы 15 қазан 13:26
Бөлісіңіз:
Жолаушының смартфонын ұрлаған жолсерік ұсталды

НҰР-СҰЛТАН. ҚазАқпарат – Қостанай облысында жолаушының смартфонын ұрлаған жолсерік ұсталды. Бұл туралы ҚазАқпарат облыстық полиция департаментінің баспасөз қызметіне сілтеме жасап хабарлайды.

«Тобыл станциясындағы полиция бөлімшесіне Ақмола облысының 45 жастағы тұрғыны жүгінді. Ер адам «Нұр-Сұлтан – Орал» жолаушылар пойызында телефонын ұрлатып алғанын хабарлады. Ол ұйықтап жатқанда гаджетті жастықтың астынан суырып әкеткен.

Жедел-іздестіру іс-шаралары кезінде көлік полициясы қызметкерлері аталған пойыз вагондарының бірінің жолсерігін ұстады. 26 жастағы жолсерік жолаушының мас жатқанын пайдаланып, қымбат маркалы ұялы телефонды ұрлап кеткені белгілі болды. Шығын шамамен 100 мың теңгені құрады», - деп жазады департаменттің баспасөз қызметі.

Сақшылардың айтуына қарағанда, күдікті жолсерік алғашында іздестіру шараларына «белсенді көмек» көрсеткен.

«Сотқа дейінгі тергеу барысында жәбірленуші жолсерікпен мәмілеге келіп, ұрланған телефонын қайтарып алды. Осылайша қылмыстық іс тоқтатылды. Ал жолсеріктің жұмыс берушісіне оны тәртіптік жауапкершілікке тарту және пойыз бригадаларының бастықтарымен түсіндіру жұмыстарын жүргізу туралы ұсыныс жіберілді», - делінген департаменттің дерегінде.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT