Жоғары лауазымға қайтадан сайлану мен үшін үлкен жауапкершілік - Қ.Мәми

ТАНА. 24 қараша. ҚазАқпарат /Қанат Мәметқазыұлы/ - Жоғары лауазымға қайтадан тағайындалу мен үшін үлкен жауапкершілік. Бүгін ҚР Парламенті Сенатының төрағасы лауазымына Мемлекет басшысының ұсынуы бойынша қайта сайланған Қайрат Мәми осылай мәлім етті.

«Қайтадан сенім көрсеткені үшін Елбасы Нұрсұлтан Әбішұлының атына шексіз алғыс білдіргім келеді. Бұндай жоғары лауазымға қайтадан сайлану мен үшін үлкен жауапкершілік. Сондай-ақ Елбасының бұл сенімін басқа да депутаттармен ынтымақтаса отырып күнделікті тындырымды еңбектерімізбен ақтаймыз деп ойлаймын», - деді Қ.Мәми. Сондай-ақ спикер Президент Парламенттің алдына үлкен тапсырмалар жүктегенін, оны атқару үшін алда абыройлы жұмыстар күтіп тұрғанын жеткізді.