Жоғарғы сот тұрғындардың құқықтық сауатын арттыратын жоба бастады
«Елімізде әртүрлі жағдайларға байланысты басы дауға қалған азаматтар қатары артпаса, кеміген жоқ. Әсіресе, алаяқтар мен қаржы пирамидаларының құрбандары көбеюде. Осы ретте Жоғарғы сот азаматтардың құқықтық сауатын арттыру мақсатында SOT LIVE атты жаңа YouTube жобасын іске қосты», - деп жазды ол әлеуметтік желідегі парақшасына.
Жаңа жобаның алғашқы 2 шығарылымы Түркістан қаласында түсірілген. Онда аймақтағы соттың қылмыстық істер жөніндегі сот алқасының төрағасы Айдос Сұлтанов қаржы пирамидасын құратын алаяқтардың айла-шарғылары, осындай істерді қарау ерекшеліктері мен олардың қақпанына түспеудің жолдары туралы әңгімелейді.
Еске сала кетейік, бұған дейін Жоғарғы сот төрағасы Жақып Асанов Президентке ақталып шыққан адам саны 7 есе өскенін баяндаған болатын