Жигули Дайрабаев ауыл шаруашылығы өндірушілерімен кездесті

АСТАНА. ҚазАқпарат - Қазақстан Республикасы Президенттігіне кандидат Жигули Дайрабаев Ақмола облысы Аршалы ауданы Анар ауылының тұрғындарымен кездесті, деп хабарлайды ҚазАқпарат тілшісі.

«Ауыл» халықтық демократиялық патриоттық партиясы баспасөз қызметінің хабарлауынша, Жигули Дайрабаев Анар станциясында орналасқан макарон өнімдері және ұн өндірумен, сондай-ақ оны ұнтақтаумен айналысатын «Аян» ЖШС қызметімен танысып, өзінің сайлауалды бағдарламасының негізгі бағыттарын ұсынды.

Содан кейін ел президенттігіне үміткер Жигули Дайрабаев Анар ауылының тұрғындарымен кездесті, оған 70-ке жуық адам, оның ішінде азаматтық қоғам өкілдері қатысты.