+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Жезкиік» халықаралық фестиваліне 18 елдің музыканттары қатысады

2018 жылғы 9 шілде 18:21
Бөлісіңіз:
«Жезкиік» халықаралық фестиваліне 18 елдің музыканттары қатысады

ҚАРАҒАНДЫ. ҚазАқпарат - Ұлытауда 12-14 шілде аралығында Бірінші халықаралық «Жезкиік» фестивалі өтеді. Онда Мексика, Перу, Польша, Ресей, Түркия, Тәжікстан, Франция, Шотландия, Жапония және Қазақстанның 11 кәсіби фольклорлық ұжымы өнер көрсетеді, деп хабарлайды ҚазАқпарат.

Халық музыкасының фестивалі 13 шілдеде Ұлытаудың бөктерінде, табиғаты әсем Болатсай мекенінде өтеді. Бұл күні мұнда Мексика, Перу, Польша, Ресей, Түркия, Тәжікстан, Франция, Шотландия, Жапония және Қазақстанның музыканттары бас қосады. Қойылымдар 14.00-де басталады да, кешке дейін жалғасады. Бұл күні сондай-ақ фестивальге қатысушылардың шеруі өтеді. Соңында «Ұлытау» тобы өнер көрсетеді.

Фольклорлық ұжымдардың концерттері осы ауқымды шара үшін арнайы құрылған этноауылда өтеді. Оның аумағында сахна, киіз үйлер, ойын алаңдары, алтыбақан, сауда нүутелері, қолөнер шеберлерінің шатырлары, кішігірім әсем мүсіншелер орналастырылады. Этно ауылдың кіреберісі үлкен қақпалармен безендіріледі.

14 шілдеде фестиваль Жезқазған қаласында жалғасады. Қатысушылар шеруі 15.00-де басталады, музыканттар Жезқазған қаласының басты көшелерінің бойымен жүреді.

Қойылымдар Кеңгір су қоймасының жағажайында өтеді. Көрермендер үшін фольклорлық ұжымдардың қатысуымен үлкен гала-концерт ұйымдастырылады.

Бұл күні көрермендер сондай-ақ классикалық музыка туындыларын тындай алады. Сахнаға Қазақстан, Ресей, Әзірбайжан, Өзбекстан, Қырғызстан, Армения, Молдава, Италия, Австрияның 17 солисті шығып, өнер көрсетеді.

Халықаралық фестиваль «Рухани жаңғыру» Мемлекеттік бағдарламасының «Қазақстанның киелі жерлері» жобасы және «Туған жер» арнайы бағдарламасын іске асыру аясында жүргізіледі.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT