+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Жезқазғанда жыл соңына қарай облыстағы алғашқы биоэлектростанция ашылады

2020 жылғы 14 ақпан 04:28
Бөлісіңіз:
Жезқазғанда жыл соңына қарай облыстағы алғашқы биоэлектростанция ашылады

ЖЕЗҚАЗҒАН. ҚазАқпарат - Жезқазғанда бірнеше инвестициялық жобаны жүзеге асыру көзделіп отыр. Оның ішінде облыстағы бірінші биоэлектростанция ашу жоспары бар. Аймақты дамыту бойынша алға қойылған жоспарлар туралы бүгін орталық коммуникациялар қызметіндегі брифингте Жезқазған қаласының әкімі Қайрат Бегімов айтып берді, деп хабарлайды ҚазАқпарат тілшісі.

«2020 жылы біз жалпы инвестиция көлемі 18,1 млрд теңгені құрайтын және 350-ден астам жаңа жұмыс орнын құрумен 4 жаңа жобаны іске қосуға дайынбыз. Бұл қара мыс концентраттарын гидрометаллургиялық өңдеудің тәжірибелік зауытын салу, өнеркәсіптік реагентті шығару бойынша химия зауытын салу, құрылыс материалдарын өндіру бойынша зауыт салу және биоэлектростанция салу сияқты жобалар. Нәтижесінде 2020 жылдың қорытындысы бойынша негізгі капиталға салынған инвестиция көлемі 32 млрд теңгені құрайды», - дейді Қайрат Бегімов.

Қала басшысының айтуынша, биоэлектростанция құрылысын жыл соңына дейін аяқтау жоспарланып отыр. Бұл кәсіпорын қатты тұрмыстық қалдықтарды кәдеге жаратады және өңдейді.

«Биоэлектростанция Кеңгір ауылынан екі шақырым жерде 4,5 гектар алаңда орналасқан. Ол жасыл технология Мериолизис бірегей принципін жұмыста пайдаланады. Қайта өңделетін қалдықтар газға синтезделіп, одан әрі электр энергиясына айналады. Жезқазған өңірінде бұл - «Kaz Green Energy» ЖШС-мен бірлесіп іске асырылатын Словакиядан келген E-Zhasyl «GrupoANKA» компаниясының алғашқы жобасы. Оған салынатын инвестиция көлемі - 7-8 млрд теңге», - деп хабарлады Жезқазған қаласының әкімі.

Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT