+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Жетісу университеті жемқорлыққа қатысты түсінік берді

2016 жылғы 9 желтоқсан 12:50
Бөлісіңіз:
Жетісу университеті  жемқорлыққа қатысты түсінік берді

ТАЛДЫҚОРҒАН. ҚазАқпарат - Талдықорған қаласындағы Ілияс Жансүгіров атындағы Жетісу мемлекеттік университетіндегі дауға қатысты аталған білім шаңырағының баспасөз қызметі түсінік берді, деп хабарлайды ҚазАқпарат тілшісі.

Баспасөз қызметінің жетекшісі Баян Шаянбаеваның айтуынша, білім мекемесінің педагогтарына шара қолданылмады. Себебі, әлеуметтік желі арқылы жарияланған жазбада ешбір оқытушының нақты аты-жөні және дәлелдер көрсетілмеген. Бірақ, педагогика және психология факультетінің оқытушыларымен оқу орнының басшылығы жиын өткізіп, қортындысында студенттерді арнайы комиссия құрамы қабылдайтын болып шешкен. Құрамында «Нұр Отан» партиясы, қоғамдық бірлестіктердің мүшелері бар комиссия студенттердің емтиханды өз күштерімен тапсыруға және жемқорлық жайттарға жол бермеуін қатаң қадағалайтын болады. Сондай-ақ Баян Шаянбаева, студенттер арасында жемқорлық мәселесіне байланысты арнайы сауалнама жүргізілетінін айтты. Студенттердің нақты дәлелдері болса нақты шара қолданамыз дейді.

Айта кету керек, өздерін Жетісу мемлекеттік университетінің педагогика және психология факультетінің студенттеріміз деп таныстырып (жазба анонимді түрде жазылған), әлеуметтік желіде аталған білім шаңырағында жемқорлық дендеп барады деп жариялаған болатын. Олардың сөзіне қарағанда, оқу орнының педагогтары емтиханды өз күштерімен тапсыруға мүмкіндік бермей жатқан көрінеді. Сол себепті мұндай бассыздыққа жол бермес үшін, əлеуметтік желі арқылы жанайқайларын жеткізіп, оқытушыларға ақша сұрағанды тоқтатсын деп талап қойған еді.

Егер дер кезінде тиісті шара қолданылмаса студенттер құзырлы мекемелерге шағымданамыз деп жазған. Жəне оқытушылардың ақша талап еткендігін дəлелдейтін аудио жəне видео жазбаралардың бар екендігін ескерткен.

Біздің каналымызға жазылыңыз:

Бөлісіңіз:

Автор:

Самал Қабышева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT