Жетісу облысында сауықтыру шарасы барысында заңсыз балық аулаған 68 адам ұсталды
Облыс аумағында 3 сәуір мен 1 маусым аралығында өткен «Нерест» профилактикалық іс-шарасының барысында полицейлер балық инспекторларымен бірлесіп, табиғатты қорғау заңнамасын бұзған 68 адамды ұстады.
Соңғы дерек Сарқан ауданында тіркеліп, көршілес Алматы облысының 1983-87 жылы туған екі тұрғыны Балқаш көлінде ұсталды. Тәртіп сақшылары ұсталғандардан 272 келі заңсыз ауланған балық, екі қайық, балық аулауға арналған түрлі қармақтар мен тыйым салынған дараталшық торларын тәркіледі.
«Іс-шара барысында 68 құқық бұзушы ұсталды. 5 дерек бойынша қылмыстық іс қозғалды. Ұсталғандардан шамамен ұзындығы 3 км әртүрлі браконьерлік торлар, 5 қайық және 800 кг-нан астам заңсыз ауланған балық тәркіленді. Жалпы келтірген шығын шамамен 6 млн. теңгені құрайды», - деді Жетісу облысы ПД табиғатты қорғау полициясының аға инспекторы Бағлан Рымжанов.
Ведомствода браконьерлерден тәркіленген балық сату үшін қабылдау пунктіне өткізіліп, одан әрі жиналған қаражат мемлекет кірісіне тапсырылатынын атап өтті.