Валюта бағамдары:
    usd/kzt 478.01 eur/kzt 488.81

    rub/kzt 7.91 cny/kzt 70.76
Ауа райы:
Нұр-Сұлтан: 1 °С
Алматы: 15 °С

Жетісу облысында күдікті Қызыл кітапқа енген гүл тамырларымен ұсталды

2022 жылғы 18 маусым 20:41

НҰР-СҰЛТАН. ҚазАқпарат – Жетісу облысындағы Сарқан шатқалы аумағында шекарашылар күдікті көлікті тоқтатып, одан жойылып кету қаупі бар өсімдік түрінің ондаған тамырын тапты, деп хабарлайды ҚазАқпарат ҚР ҰҚК баспасөз қызметіне сілтеме жасап.

«13 маусымда мемлекеттік шекараны күзету қызметі барысында Жетісу облысы Сарқан ауданының «Сарқан» шатқалы ауданында Қазақстан Республикасы азаматының басқаруындағы «Ауди» автомашинасы тоқтатылды. Көлікті тексеру кезінде 33 дана Қызыл кітапқа енген бозғылт гүлді рябчик өсімдігінің тамыры табылды», - делінген баспасөз мәлімдемесінде.

Қазіргі уақытта сотқа дейінгі тергеу амалдары жүргізіліп жатыр.

Айта кетсек, бұл гүл ҚР Үкіметінің 2006 жылғы 31 қазандағы № 1034 қаулысымен өсімдіктердің жойылып кету қаупі бар түріне жатқызылған.

Еске салсақ, ҚР Экология, геология және табиғи ресурстар министрі Серікқали Брекешев Қазақстанда дәрілік шөптер ретсіз жиналып, шетел асып жатқанын айтқан болатын.

Сондай-ақ, Түркістанда дәрілік шөп қазып жүрген 23 өзбек азаматы ұсталған еді.

Автор:

Гүлнұр Қалдыбаева

Новости по теме
Ұқсас жаңалықтар
Серіктестер жаңалықтары