Жетісу облысында күдікті Қызыл кітапқа енген гүл тамырларымен ұсталды
«13 маусымда мемлекеттік шекараны күзету қызметі барысында Жетісу облысы Сарқан ауданының «Сарқан» шатқалы ауданында Қазақстан Республикасы азаматының басқаруындағы «Ауди» автомашинасы тоқтатылды. Көлікті тексеру кезінде 33 дана Қызыл кітапқа енген бозғылт гүлді рябчик өсімдігінің тамыры табылды», - делінген баспасөз мәлімдемесінде.
Қазіргі уақытта сотқа дейінгі тергеу амалдары жүргізіліп жатыр.
Еске салсақ, ҚР Экология, геология және табиғи ресурстар министрі Серікқали Брекешев Қазақстанда дәрілік шөптер ретсіз жиналып, шетел асып жатқанын айтқан болатын.
Сондай-ақ, Түркістанда дәрілік шөп қазып жүрген 23 өзбек азаматы ұсталған еді.