Жетісу облысында көлік есекке соғылып, бір адам көз жұмды

ЖЕТІСУ ОБЛЫСЫ. ҚазАқпарат – «Батыс Қытай-Батыс Еуропа» тас жолында есекке соғылған көліктегі 3 адам зардап шекті, деп хабарлайды ҚазАқпарат polisia.kz сайтына сілтеме жасап.

«Жол-көлік оқиғасы 6 қазан күні кешке «Батыс Қытай-Батыс Еуропа» тас жолының 275-ші шақырымында болған. Audi A-4 көлігі жолға шығып кеткен есекке соқтығысқан. 21 жастағы жүргізуші оқиға орнында көз жұмды. Сондай-ақ екі адам ауруханаға жеткізілді», - делінген хабарламада.

Тергеу ҚР Қылмыстық кодексінің 345-бабы 3-бөлігі бойынша жүргізіліп жатыр. Есектің иесі әлі анықталған жоқ.

Фото: t.me/POLICE_of_KZ