Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 428.94
RUB 5.93 CNY 56.70
Jańalyqtar

Жетісайда өгей шеше қыздарына ине тығып, тоңазытқышқа отырғызып келген

2019 жылғы 17 сәуір 11:28 1352
Бөлісіңіз:
Жетісайда өгей шеше қыздарына ине тығып, тоңазытқышқа отырғызып келген

ТҮРКІСТАН. ҚазАқпарат - Түркістан облысы, Жетісай ауданында  өгей шеше қыздарына қорлық көрсеткен бейнежазба тарады. Бұл туралы әлеуметтік желі белсендісі Әсет Әссанди өзінің  Фейсбуктегі парақшасында жариялады,  деп хабарлайды ҚазАқпарат тілшісі.

Ұқсас жаңалықтар
Өгей шеше қорлаған қыздар: Мектеп директоры мен сынып жетекшілері жазаланады Өгей шеше қорлаған қыздар: Соққы ізін көрген ұстаздар полицияға хабар берген

Әсет Әссанди өзінің парақшасында бірнеше пост жариялап, жантүршігерлік суреттер салған. Айтуынша, бір үйдің үш қызына өгей шешелері ине тығып, тоңазытқышқа отырғызып қойған.

«Апалы-сіңлілі - 2003 жылғы Салима, 2005 жылғы Мәншүк, 2007 жылғы Милана. Бұл қаракөздеріміздің көрмеген қорлығы қалмапты. Өгей анасы, 1991 жылғы Көбеева Жұлдыз фашистерден де асып түскен сияқты. Кәмелет жасына толмаған қыздардың тырнақтарының астына қайта-қайта ине тығып, жылайын десе, ұрып-соғып «күліп тұр» деп, жандарына батып тұрса да, езулерін тартқызып, тоңазытқышқа бірталай уақыт отырғызып қинап, қайшымен денелеріне жарақат салып, шайларына гель қосып беріп ішкізіп, тіпті жыныстық мүшелерін кемпірауызбен қысып, жарақат салып жүрген екен. Бұл қыздардың көрген азаптары адам айтқысыз. Жетісайдан табылмаған арашаны Түркістан облысының басшылары, заң орындарынан, денсаулық сақтау басқармасынан сұраймыз! Қаракөздерімізді жылатуға жол бермейік! Және әлгі өгей шешелерін қатаң жазаға тартайық»- деп жазады Әсет Әссанди.

Айта кетейік, аталмыш оқиғаға қатысты Ішкі істер министрлігінің ресми өкілі Нұрділдә Ораз пікір білдірді. Оның айтуынша, мәселені Ішкі істер министрі Ерлан Тұрғымбаев өз бақылауына алған.

«Әлеуметтік желі арқылы кеңінен таралып, Жетісай ауданындағы бір отбасында орын алған өгей анасының қатыгездікпен балаларын ұрып-соғып, дене жарақатын салу арқылы зорлық көрсеткен жайт бойынша қылмыстық іс қозғалды. Мәселенің мән-жайын анықтау үшін арнайы комиссия құрылды. Комиссия шешімімен балалар әжесіне тапсырылған», - деп жазады Нұрділдә Ораз. 

 

 

Біздің каналымызға жазылыңыз:

Басты сөздер: Оқиға, Түркістан облысы,
Бөлісіңіз:

Автор:

Айнұр Ақбаева

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанат Қапалбаева
Жанат Қапалбаева
954-059
MURAǴAT