ФУТБОЛДАН ӘЛЕМ ЧЕМПИОНАТЫ-2022

Жергілікті билік азық-түлік бағасының өсуіне жол бермеуі тиіс - Сағынтаев

2018 жылғы 2 қазан, 12:01
Жергілікті билік азық-түлік бағасының өсуіне жол бермеуі тиіс - Сағынтаев

АСТАНА. ҚазАқпарат - Жергілікті атқарушы органдар азық-түлік өнімдері бағасының өсуіне жол бермеуі тиіс. Бұл туралы бүгін Үкіметтің селекторлық режімдегі отырысында Премьер-Министр Бақытжан Сағынтаев айтты, деп хабарлайды ҚазАқпарат тілшісі.

«Әлеуметтік маңызы бар азық-түлік түрлері бағасының өсу проблемасы халық үшін өте маңызды мәселе. Сол себепті азық-түлік өнімдері бағасының өсуіне жол бермеуге ең алдымен жергілікті атқарушы органдар жауапты екенін естеріңізге саламын. Оны өздеріңіз де баяндамаларыңызда айтып отырсыздар»,- деді Үкімет басшысы.

Осы ретте Премьер-Министр облыс басшыларына бағаны реттеу үшін өңірлік тұрақтандыру қорларының мүмкіндіктерін тиімді пайдалану, тауарларды уақытында сатып алу, жаңарту және негізгі азық-түлік түрлерін түгендеуді дер уақытында жүргізуді тапсырды.

«Осы жұмыстардың барлығы сіздердің тұрақты бақылауларыңызда болуы қажет. Мониторингті күшейтуді қолға алуларыңызды сұраймын»,- деді Бақытжан Сағынтаев облыс басшыларына.

Серіктестер жаңалықтары

Jańalyqtar

https://www.inform.kz/kz/zhergilikti-bilik-azyk-tulik-bagasynyn-osuine-zhol-bermeui-tiis-sagyntaev_a3407603
https://www.inform.kz/kz/zhergilikti-bilik-azyk-tulik-bagasynyn-osuine-zhol-bermeui-tiis-sagyntaev_a3407603