+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Жер телiмi бар азаматтар өз қаржысы есебiнен үй сала алады - Айтаханов

2016 жылғы 17 қараша 12:32
Бөлісіңіз:
Жер телiмi бар азаматтар өз қаржысы есебiнен үй сала алады - Айтаханов

АСТАНА. ҚазАқпарат - Арнайы жеке меншiк үй құрылысын жүргiзу туралы заң жобасын әзiрлейтiн уақыт жеттi. Бүгін Парламент Сенатының жалпы отырысында сенатор Қуаныш Айтаханов осылай мәлім етті.

«Жер телiмiнiң инфрақұрылымы мәселесiн мемлекеттiк-жеке меншiк әрiптестiк арқылы шешуге болады. Бүгiнде жеке үй салушылар жер телiмiн қымбат бағаға сатып алуда. Ал жер телiмi заңға сәйкес кезекпен тегiн берiлiп отырса, жеке үй салушылар алған жер көлемiне сәйкес, қаржы жинап немесе несие алып, инфрақұрылым құрылысына ортақтасып, өздерi шешкен болар едi. Инфрақұрылым құрылысы талаптары да қалалар мен ауылдардың жағдайларына сәйкес, әртүрлi болуы керек. Үкiмет жеке тұрғын үй салуды жеделдету үшiн жеке үй салушыларға мемлекеттiк қолдау көрсетудi, арзан ұзақ мерзiмдi несие беру, құрылыс материалдарымен қамтамсыз ету, сондай-ақ тағы да басқа мәселелердi қарастыратын арнайы жеке меншiк үй құрылысын жүргiзу туралы заң жобасын әзiрлейтiн уақыт жеттi деп есептеймiн», - деді сенатор.

Қ. Айтахановтың пайымынша, азаматтарға үй салуға жер телiмi берiлсе, олар өз қаржысы есебiнен үй салып алуға қауқарлы. Мемлекеттiң үнемделген қаржысын жағдайы төмен азаматтарға тұрғын үй салуға жұмсаған дұрыс болар едi.

«Елімізде Мемлекет басшысының тапсырмасына сәйкес халықты қолжетiмдi тұрғын үймен қамтамасыз етуге ерекше көңiл бөлiнуде. 2017 жылы республикалық бюджетте бұл бағытқа 143 млрд. теңге, оның iшiнде Ұлттық қордан 103 млрд теңге бөлiнген. Алайда, елiмiзде тұрғын үй мәселесiн шешудiң ең тиiмдi жолы - жеке меншiк тұрғын үй құрылысына жеткiлiктi көңiл бөлiнбей келедi.Мәселенiң күрделенгенi соншалықты, бүгiнде жер телiмiн алуға кезекте тұрған азаматтардың саны соңғы он жылда 14 есеге өсiп, 1,4 миллионға жеттi. Жастар үйленiп, жеке үй болып шыққысы келедi, бiрақ баспанасы жоқ. Жеке үй салып алайын десе, жер телiмi жоқ. Үкiмет жеке азаматтардың қаржыларын айналымға қосып, жеке тұрғын үй салуда барынша қолдау көрсетуi керек»,- деп Қ. Айтаханов.

Біздің каналымызға жазылыңыз:

Бөлісіңіз:

Автор:

Руслан Ғаббасов

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT