+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Жер қатынастарын басқаратын аумақтық басшылардың 70% білімі сәйкес емес

2021 жылғы 10 сәуір 10:36
Бөлісіңіз:
Жер қатынастарын басқаратын аумақтық басшылардың 70% білімі сәйкес емес

НҰР-СҰЛТАН. ҚазАқпарат – Бүгін ҚР Премьер-Министрінің орынбасары Ералы Тоғжановтың төрағалығымен Мемлекет басшысының тапсырмасымен құрылған Жер реформасы жөніндегі комиссияның үшінші отырысы өтіп жатыр, деп хабарлайды ҚазАқпарат тілшісі.

Жер реформасы жөніндегі комиссияның үшінші отырысында Ақылбек Күрішбаев өзі басқаратын экономикалық мәселелер жөніндегі жұмыс тобының апта бойы атқарған жұмысымен таныстырды.

«Экоминкалық мәселелер жөніндегі жұмыс тобының отырысында 3 мәселе талқыланды. Бірінші мәселе – жерге орналастыру жөніндегі геодезиялық жұмыстарды лицензиялау, жоғары оқу орындарында осы мамандықтарды бойынша оқыту стандарттарынна қойылатын талаптарды жоғарылату. Жұмыс тобының мүшелері салаға лицензия беру туралы ұсынысты қолдамады. Бұл мәселені кейін арнайы агенттік немесе комитет құрылған кезде мемлекетіміздің саясатына сәйкес бәсекелестікті дамыту негізінде қаралғаны дұрыс деп шештік», - деді жұмыс тобының басшысы.

Ол, сондай-ақ, жер қаныастары саласындағы мамандардың біліміне қатысты проблемалар бар екенін атады.

«Оқу стандарттарының сапасын көтеруді көпшілік қолдады. Оқу станддартарын дамыту үшін универиеттерге Еңбек және халықты әлеуметтік қорғау министрлігі арнайы кәсіптік стандарт дайындап беруі керек. Сол жұмысты министрліктен тездетуді сұраймыз. Бұл жерде менің тағы да айтарым, облыс және аудан әкімдерінің қарамағында арнайы жер қатынастары басқармалары жұмыс істейді. Барлығы бұлар 229 құрылым екен. Солардың басшыларының кәсіби білім деңгейін сараптадық. Тек қана 30 пайызы өз жұмысының маманы болып шықты. Басқалары заңгерлер, экономистер, құрылысшылар, зоотехниктер, гидротехниктер, механиктер және т.б. Мұндай білімменбіз жер ресурстарын басқаруда қалай тәртіп орнатамыз», - деді Ақылбек Күрішбаев.

Еске салсақ, осы аптада Мәжіліс жерді шетелдіктерге беруге біржола тыйым салуды көздейтін заң жобасын мақұлдады.

Президенттің көмекшісі Ерлан Қарин осы заң жобасының мақұлдануы туралы пікір білдіргенін жазған болатынбыз.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT